《大帥哥》深得網民喜愛，每集網民都會討論得如火如茶，三更半夜度對白的張衞健絕對功不可沒。但講起上嚟，張衞健唔止有才華，原來當年仲好靚仔添，最近有網民就搵到佢仲好pure、好young，只係得20歲嗰陣嘅型英帥靚正相，只見年輕時的張衞健皮膚白皙、有能迷惑人的大眼、臉細細、唇紅齒白，比女生更有櫻唇小嘴的感覺，令人不自覺盯著這片朱唇。大家都紛紛讚他眉清目秀，搞笑又有才華：「呢位小鮮肉真係堅靚仔」、「點解有頭髮嗰陣咁有型」等等。有人甚至憶起學生時代未播《西遊記》時已經看中張衞健，把他的相片貼滿在手冊和房間，又將他的樣貌整成鎖匙扣陪自己返學，認真誇張。
其實年輕時的張衞健未出道前已是盛世美顏久看不厭，有種精緻的美感，他以前在酒廊唱歌吸引不少女粉絲，後來被哥哥張國榮睇中帶他入行，於1984年參加第3屆新秀歌唱大賽得到金獎，繼而加入娛樂圈。入行後張衞健戲路甚廣，專拍古靈精怪作品，如《小寶與康熙》、《老友鬼鬼》、《少年英雄方世玉》和《西遊記》，由於他不單止靚仔，還有幽默感，所以頓時人氣急升，深受當時少女喜愛，成為90年代男神之一。不得不讚哥哥當時真有眼光，無論從前青靚白淨書生look還是現在光頭有型look，張衞健一樣有型！