講到搭的士嘅不愉快經歷，相信唔少人都有切膚之痛，而最新受害者就係鄧月平，話說佢今日突然喺IG Story圖文並茂鬧爆的士司機：「我係咪應該轉道去差館，個司機瘋狂裝我裙底，拍片又錄唔到，但會嘗試再拍，全程龜速無車都Keep住慢駛，痴線、好恐怖，裝鏡仔昅（𥄫）裙底。坐咗喺後面，死痴線佬。」
鄧月平嘅帖文一出，即時炸裂網上討論區，不過網民嘅反應就十分兩極化，有人撐佢話：「我都試過畀人咁𥄫法，支持妳去報警。」、「啲的哥係咁架啦，要小心唔好蝕底。」不過亦有網民指鄧月平咁樣單方面公審對方，有網絡欺凌之嫌：「張相又唔打格（小編有打格），倒後鏡睇到人哋個樣，但又睇唔到佢裝你，鄧小姐，有圖有真相喎」、「你唔畀佢可能睇緊後面啲車？係咪多心咗咋？」