莫少聰與洪欣的17歲兒子張鎬濂，最近簽約內地樂華影視公司，成為范冰冰細佬范丞丞的師弟，正式進軍娛樂圈，由於近年韓風當道，有關方面安排張鎬濂到韓國進行秘密特訓，而近日張鎬濂亦終於返回內地準備出道事宜，不過他的全新Oppa look曝光後，卻惹來不少是非爭議，有唔少網民都話佢個樣怪怪哋，仲有人搵返佢細個嘅照片做比較，結果發現其鼻樑疑似再度發育，高咗好多，「呢個係咪內地潛規則？之前陳偉霆係咁，依家張鎬濂又係咁。」、「星二代就係有呢個壞處，好易被起底，好想聽佢點解釋？」
與生父莫少聰零聯絡
其實睇返啲舊相，張鎬濂細個嗰陣都算生得趣緻可愛，只係唔知點解大個之後會離奇變咗內地Oppa！不過就算再多是非都好，身為星二代始終有優勢，洪欣就話全力支持囝囝入行，仲大讚佢捱得苦，不過一問到生父莫少聰支唔支持，洪欣就話大家一向無聯絡，而睇返莫少聰嘅微博，連日來佢都有撰文留言發表不少人生偉論，但就隻字不提張鎬濂出道的消息。
網上圖片
網上圖片
網上圖片
網上圖片
網上圖片