吳卓林自從戀上同性密友Andi之後，幾乎每次現身都會帶畀大家無限驚喜，繼早前被指走投無路爭人周身債，要秘密返港投靠媽咪吳綺莉後，今日卓林又突然於IG大晒結婚證書，原來她們已於本月8日在加拿大註冊結婚，仲留言話：「作為一個自幼從未感受過愛的人，我們擁有太多東西可以給予。我們戰勝了恐懼，接受了我們的錯誤，現在明白傷害我們的人仍然受了傷。我們都受了傷，但如果你能夢想愛情，你就能找到它。」
明明卓林自出世後，一直與吳綺莉相依為命，但佢竟然話從未感受過愛，咁吳綺莉咁多年嚟即係做緊乜？難怪卓林的偉論一出，好多人都想知吳綺莉有乜嘢回應？嚟到今日下午佢終於更新微博，上載食飯相兼留言話：「感謝生活給了這麼多經歷，讓我可以將影視作品中的角色演繹得更豐富。期待往後餘生可以塑造更多更生動的影視角色。」留言一出，即時惹來網上熱烈討論，事關佢雖然表面講到好似好無嘢，但實情就有啲唔妥喎，有網民仲話係有骨回應先真：「佢有幾多年無拍戲呀？講乜嘢角色，應該係講緊自己嘅人生，句句有骨呀。」「感謝生活給了這麼多經歷，即係講緊多謝卓林搞到我咁大鑊囉！」唔知大家又點睇吳綺莉咁啱喺呢段時間發表嘅留言呢？而佢嘅好朋友郭秀雲就強調，卓林結婚之前絕對無通知吳綺莉喎！
吳綺莉微博
吳卓林ig
吳卓林ig
吳卓林ig