小龍女吳卓林自從遠走加拿大後,一直是非停不了,最近她更跟另一半Andi開設多媒體製作公司,業務包括攝影、化妝、形象指導等等,不過外界反應似乎麻麻,至今公司IG追隨者不足二百人,分分鐘你都多過佢。而為爭生意吸客,卓林與Andi唯有化身模特兒做生招牌,更拍下多張性感照,只見他們不單於臉上畫圖案,更疑似半裸上陣,照片一出,雖然成為網上熱話,但弊在彈多過讚。
網民:「佢半裸想sell乜先?仲要畫到咁嘅樣,其實佢係咪想間公司執?」
網民:「我真係唔識乜嘢叫藝術,但見到咁嘅相,有啲驚驚囉!」
網民質疑改姓
咁都未算,更有眼利網民發現卓林以新名「Etta Zen」開設新社交帳戶,有人質疑他為何不用Wu(吳),而改用可譯作陳的Zen,如陳日君便是ZEN, Ze-Kiun,
由於成龍原名陳港生,令人懷疑卓林是否已改姓陳,不過對於卓林疑似改姓,吳綺莉就表明無回應。