大耳查布馬戲團 登陸天水圍T Town

外表得意嘅卡通人物人人都鍾意！好似來自俄羅斯嘅可愛小朋友大耳查布，噚日就嚟咗《晴報》探班，同一眾同事齊齊互動，兼睇魔術表演，見佢本人眼仔碌碌咁，得意趣致，難怪吸引唔少女同事心心眼，爭住同佢合照！

大家都想同大耳查布互動？黛安聽公關姊妹講，大耳查布今個聖誕將會帶埋成班老友，以「大耳查布聖誕馬戲團」名義進駐天水圍領展商場T Town，場內仲有彩繪投影、手作影燈等環節，隨時有機會同大耳查布互動selfie。有興趣嘅朋友，下月1日起記得唔好錯過喇！