馬國明多年來一直默默耕耘，成續有目共睹，但竟然一直與「視帝」無緣，最近更在TVB台慶卻發生非常尷尬的插曲。事源未宣佈新加坡視帝結果之前餘下馬國明大戰袁偉豪，一眾藝員同事，包括洪永城、朱千雪、姚子羚、蔡思貝、田蕊妮均力撐馬國明，誰料最後由袁偉豪憑《棟仁的時光》爆冷贏出，一晚冧莊成為雙料視帝。敗於袁偉豪之手，失落星馬視帝，除了藝員紛紛O咀感意外，亦令網民高呼崩潰，不單聲討袁偉豪搶獎，更為馬明大感不值，指責TVB有心搞現場競猜遊戲擺他上檯。而出名親民兼貼地的馬明，隨即於微博安慰粉絲：「看到很多評論，大家不用心疼我，其實上年你們已經投票頒發咗最佳男主角俾我，謝謝大家。」更大晒由新浪微博頒發的視帝獎，有關帖文一出，即時惹來網民無限聯想，更有人認為馬明終於豁出去大膽反擊TVB，「睇吓新浪幾識貨，馬明，我哋撐你，係時候話畀TVB聽，你唔會再忍。」「約滿就好離巢啦！再留喺度都無意思。」
▼唔通想反撃？
不只獲得網民支持，就連新浪都終於做嘢喇！事源馬明開咗微博大半個月，都未獲名人明星的橙色「Ｖ」字認證，不過他靈機一觸，先舉起「V」字手勢自拍，又為每張相特意P圖，用手畫「V」字證明自己身份，連出名要求高的高登巴打都對他如此可愛行徑讚不絕口。不過直到今日，他終於得到這個V字，還立即上載全裸童年照分享喜悅：「終於有微博認証喇，感覺就像有出生証明一樣，謝謝！yeah！」。但明明已經有V，但馬明就再喺重要部位畫多個V贈興，搞到不少網民跪求原相，「點解仲有V？唔可以遮住小馬明喎，佢都要透氣架。」認真搞笑。