麥當勞×鋒味第二波 歎全新洋蔥吉列豬扒飽

「麥當勞×鋒味」The Signature Collection，繼「鋒味安格斯•煎蛋肉醬飽」之後，今日再有新產品上架，就係期待已久嘅「鋒味洋蔥吉列豬扒飽」啊！

黛安試食過煎蛋肉醬飽後，結果一試愛上，已經encore咗N次啦。今次再推洋蔥吉列豬扒飽，lunch一定要排定隊啦。

聽公關姊妹講，霆鋒喺大家經常食到嘅洋蔥豬扒飯上得到靈感，但特別用咗外層金黃酥脆、內裏肉質鮮嫩嘅吉列豬扒，取代普通豬扒，再配上炸洋蔥碎同香炒洋蔥，雙重口感，加上微融嘅芝士、酸甜開胃嘅沙律醬同鬆軟麵包，口感非常豐富，聽到都想試！

姊妹仲話，只要購買任何加大超值套餐，Shake Shake薯條就可以選配「鋒味避風塘炒蟹味調味粉」，仲有香港懷舊冰室情懷嘅全新「鋒味菠蘿冰」，絕對係最佳配搭啊！一系列全新港式「鋒味」絕對不容錯過，繼續細味「My Taste of Hong Kong」！

黛安提提大家，供應點唔包括沙田馬場同跑馬地馬場嘅麥當勞餐廳呀！