《跳躍生命線》在劇迷不捨下終於播完,憑著撼動人心的感情線,以及每集結尾發人深省的獨白,創下接近30點的收視佳績。正所謂珠玉在前,觀眾都很期待同屬台慶劇的《兄弟》能接棒再創佳績,須知道《兄弟》的監制林志華之前監制過《踩過界》、《EU超時任務》等大熱作,加上有視帝王浩信壓陣,團隊更遠赴英國、菲律賓取景,絕對令人期待,誰知如今播出一星期,觀眾反應麻麻,多個討論區更有不少探討其死因的帖文,經過一輪研究,我哋歸納出《兄弟》的
三大致命死因。
1. 刻意堆砌槍戰打鬥追車戲 毫無緊張氣氛
警匪片《兄弟》以連場槍戰、打鬥戲做賣點,雖然看得出拍攝團隊很用心,花了不少時間設計,少有的大場面,不過網民普遍認為導演眼高手低,處理打鬥戲手法毫不自然,好似強行堆砌打鬥場面一樣,係又打,唔係又打。加上剪接鏡頭混亂,例如朱晨麗與黑幫交手時錯用慢鏡效果,導致動作場面零緊張氣氛,缺乏刺激感,甚至悶到有網民話:「一直訓到《是咁的,法官閣下》播」而連場追車戲亦有問題,即使飛車、撞車齊哂,但有時明明正常速度飛車,之後無端變快鏡實在太多餘。
原本最應有刺激感的部份已經不夠緊湊,編劇竟然還要提前劇透楊明、王浩信與伍允龍是三兄弟,連唯一懸念都沒有。不過編劇完全沒有理會此問題,繼續企圖誤導大家楊明想殺王浩信,自製緊張氣氛,結果變成得啖笑,有網民更批評:「動作戲唔好睇,講故事講到一嚿嚿唔緊張,成班人行行企企唔知做咩,睇兩集都已經好比面。
2. 劇情欠邏輯 江嘉敏是一大敗筆
不單動作場面欠緊張,就連警匪片中另一重要原素──邏輯,《兄弟》亦搞到一鑊泡。有段劇情講述國際刑警進行跟蹤黑幫任務,但整條街只有兩架車,正常人都會知道被跟蹤,網民笑言:「跟到咁埋,好難唔知囉!」不過更離譜的是,江嘉敏成功做到私人保鑣完全是全劇敗筆,毫無邏輯,本來身為其師姐的陳庭欣一直覺得她沒有資格做保鑣,轉頭突然做到已經夠兒戲。儘管請保鑣可以好頹廢、要求低,但也沒可能誇張到立即安排江嘉敏保護特首吧?如果用這個方法就安排她接近男主角,不如寫她貪錢所以用盡方法接近王浩信會更為合適。有網民又認為江嘉敏經驗尚淺,還不是時候擔大旗,反而應該找些經驗豐富的女演員,如胡定欣飾演此角。
3. 伍允龍為成新一代衝動KOL
江嘉敏差,伍允龍亦唔好得幾多,劇中飾演重案組警長,性格火爆、衝動,有網民封他為新一代衝動KOL,可以媲美同樣以衝動累事出名的吳卓羲。然而伍允龍有個大問題,就是演技差,過份做作,未能投入角色,只懂大聲講台詞與以誇張表情表達憤怒,令人睇到覺得O晒嘴。平是想火爆還可靠大聲、靠動作演繹,不過一旦收火sell溫情,甚少拍劇的伍允龍就顯然不知所措,特別有段幕講述他去廟街唱歌,與媽媽吃飯飲啤酒就出事,表情生硬不特止,讓觀眾「出戲」無法投入才是最大問題。