滙豐香港社區節 玩盡歌舞嘉年華

眨下眼又到星期五，又係時候諗吓周末去邊玩喇！黛安聽講今個星期日（18日）喺中環遮打道行人專用區舉行嘅「滙豐香港社區節2018」，由各大民間機構準備咗大堆豐富好玩，又有意義嘅遊戲同活動嘉年華，仲完全免費參加，啱晒一家大細玩番日！

今次「社區節」活動多多，現場主舞台除咗有唱作歌手林奕匡演唱、音樂同唔少精采嘅街舞表演外，仲會有無論聽障定視障兒童都可以親身體驗嘅共融遊樂場、實體棋盤遊戲、兒童開設快閃環保商店等活動，夠晒多元化，有興趣嘅朋友仔，今個星期日中午12點至下午5點記住去中環遮打道感受吓喇！