迪士尼冬日雪國 米奇90派對 歌舞助興

下個月就係黛安每年最期待嘅聖誕節喇！即日起到明年元旦，香港迪士尼會換上濃厚嘅聖誕裝束，樂園仲首次舉辦「夢想花園冬日市集」，伴隨着冬日飄雪，令樂園搖身一變成為充滿節日氣氛嘅雪亮市集，市集有多款造型精緻嘅聖誕美食同特色商品畀大家選購。港人仲有特享優惠，一次買4張或以上「奇妙處處通」即享8折。

公關姊妹同黛安講，迪士尼已幻化成冬日雪國樂園，遊人可日夜感受「A Disney Christmas」與別不同嘅聖誕驚喜，包括欣賞全新18米高聖誕樹、美輪美奐嘅聖誕裝飾同萬眾期待嘅冬日飄雪，仲可參加「米奇與好友聖誕舞會」，米奇同一眾朋友喺20分鐘嘅慶祝舞會，現場表演四重唱、舞蹈同音樂，遊人喺經典聖誕歌曲中，齊載歌載舞，盡情投入歡樂冬日節慶。

聽姊妹講，香港迪士尼係指定日子仲邀請咗9個社區合唱團包括由病童、家屬同醫護人員組成嘅腎兒聲夢合唱團，生命小戰士會合唱團等，會喺聖誕舞會開始前上演「社區妙韻樂飄揚」，獻唱佳節樂曲。

今個聖誕到迪士尼慶祝更有特別意義，迪士尼由即日起至明年2月同時舉辦「米奇90派對盛事」，以連串活動為米奇慶祝生日，期間美國小鎮大街會上演「We Love Mickey！」大街投影盛演（生日特別版），入場仲有機會獲特別版生日貼紙！

迪士尼仲推出港人優惠，即日起至明年1月15日，一次過買4張或以上「奇妙處處通」可享8折，3張享9折，而買2張任何組合嘅成人「奇妙處處通」白金同金會員卡可享9折。「奇妙處處通」會員可於全年無限次入園，並享多項獨家禮遇同折扣優惠。而聖誕期間，港人更可低至$1,799房價優惠預訂香港迪士尼任何一間主題酒店，酒店住宿優惠預訂日期由即日起至下月5日，入住日期由本月21日至明年3月31日。黛安都要約定好姊妹過一個特別聖誕節啦！