做個《愛跑‧香港仔》 玩懷舊嘉年華兼籌善款

熱愛運動嘅黛安知道，下個月2號（星期日）「護‧聯網慈善基金有限公司」舉辦Lifewire Run 2018《愛跑‧香港仔》暨慈善跑步嘉年華，除設有1公里、3公里及8公里賽事外，更特設免費入場嘅香港仔特色嘉年華，啱晒一家大細盡情玩番日！慈善跑報名由即日起到今個星期四（15日），名額只有2,000個，大家記得快啲報名啦！

公關姊妹話，嘉年華設有多個區域，例如「4D昔日情懷拍照區」，恍如坐上時光機一樣，畀大家返到昔日嘅香港地，絕對係打卡呃like聖地。另外，仲有擲汽水等懷舊香港特色嘅遊戲攤位，一邊重拾當年本土情懷，一邊贏取豐富禮物，當然唔少得傷健共融嘅樂隊同歌手表演音樂，大家一齊玩一齊唱！