於TVB節目《有樓萬事足》一句「有樓有高潮」轟動全城、被譽為港女典範的鄧思宸（Seasun），終於有高潮喇！事關原來她於去年以600萬買入筲箕灣柏匯低層300呎單位，成功上車，年僅23歲的Seasun更趁機同大家分享置業經：「妳投資一樣嘢，一定會犧牲另一樣嘢，所以要下很大決心。」Seasun講緊嘅犧牲，可能就係要全裸豁出去接拍三級片《有罪》，套戲改編自同樣轟動全城的台灣李宗瑞性侵案，Seasun於戲中不乏大膽場面。計計數，600萬樓，如果畀三成首期，咪要成180萬，拍三級片真係咁好賺？Seasun話：「我簽咗保密協議，唔方便透露，今次買樓係全靠自己積蓄同家人幫手。」
向港男說不
Seasun家陣唔止係電影女主角，仲做埋業主，咁咪唔使另一半有樓，都應該有高潮喎？不過佢就表明唔會揀港男：「因為我鍾意文化衝擊，希望透過另一半融入唔同文化，況且港男好鍾意玩曖昧，相反內地男人同妳發生咗關係，就會認定妳做女人。」咁即係內地男人好過香港男人？港男們點睇先？