近日在銅鑼灣街頭上演一場鬧劇，一名自稱占士邦的港男身上掛上寫著「Coco Yuen袁晴晴love占士邦」的牌，突然拿著鮮花向模特兒Coco袁晴晴單膝跪地求愛。嚇得Coco不知所措，其女友人、之前拍TVB節目《有樓萬事足》一句「有樓有高潮」成名的Seasun，馬上站出來幫忙擋駕，質疑港男太窮與Coco不相襯，聲浪之大惹來不少途人圍觀，更有人拍片放上網瘋傳，惹來大批網民炮轟。
銅鑼灣上演求愛大戲 港男被寸冇錢冇樓
事原一群身穿白色短裙的模特兒於銅鑼灣街頭宣傳，一名自稱占士邦的港男突然拿著一支鮮花單膝跪下數分鐘，向其中一個模特兒Coco求愛：「我愛袁晴晴」，場面尷尬。Coco支吾以對地回應：「好多謝你...」，身旁的模特兒亦幫口話：「你咁樣會嚇親Coco㗎，如果你真係支持佢不如支持吓佢嘅工作啦，我哋做緊嘢㗎嘛！」，但港男依然堅持雙手遞上鮮花，等待他的女神給予滿意的答覆。
此時旁邊的Seasun插咀，在街頭大聲質問港男身家背景，當眾寸他太窮：「你講吖！你依家要攞出你嘅誠意，樓、車、豪宅，你比到啲咩Coco？Coco話哂都係...成績唔差㗎喎會考，佢媽咪咁辛苦養大佢，唔係一紮花就搞掂啊！」最後Seasun甚至數次要求港男為表誠意需交出豪宅鎖匙，但港男拿出家中鎖匙時，卻被她無情嘲笑：「你唔係攞屋企鎖匙呀嘛？你唔係真係攞屋企同你媽咪住嗰條鎖匙出嚟呀 ? 好啦你可以收番喇...」令場面十分尷尬。
擋駕港女Seasun 《有樓萬事足》金句被圍插
片段曝光後，令再次成為網民攻擊目標，有人大鬧：「呢班女影衰晒香港」、「點解仲夠膽問人有冇車有冇樓？」、「佢係咪妒忌冇人送花畀佢，所以發癲呀？」其實Seasun的言行一向出位，當日於《有樓萬事足》就曾不斷大爆金句「如果冇樓嘅話，唔好白撞啦」、「有樓先有高潮」等等，又覺得女士在一個安穩的地方懷孕是理所當然的事，更把男人、女人形容為公猴與母猴，指條件好的公猴要有洞穴，Seasun又明言男生想追求自己至少要有二千尺的單位，種種言論惹來不少批評，不過相信大家最想知都係Seasun家陣搵到二千尺男友未呢？