港珠澳大橋近日正式開通，以後港人往返澳門、內地又多一個選擇，不過佢哋可能嫌大家選擇未夠多，最近多份內地官媒相繼報道電視劇《大橋》即將開拍，你無估錯，呢條大橋講緊嘅就係港珠澳大橋，仲請嚟內地金牌編劇陸天明操刀，據講佢花咗兩年時間，多次去到港珠澳大橋實地考察，務求寫出一個有血有肉的故事。
咁都未算，最震撼係報道仲寫明該劇雲集多位中港頂級巨星，難怪新聞一出街，即時傳言滿天飛，更流出一份極度誇張的巨星名單，當中包括成龍、汪明荃、黎明、李冰冰、黃曉明等等，不過相信就算張名單係真嘅，大部份都應該只屬客串性質，不過仍無損網民發揮無限創意，為他們度身訂造角色：「中國人是要管的，成龍一定是國家主席！」「不用多想了，汪明荃一定做林鄭。」
《大橋》講述主角賀不違與肖慧芳等中國出色工程師，經過1４年的努力，歷盡千辛萬苦，終於打造出一條世界級的大橋，真係聽落都……