近日新劇《跳躍生命線》好評如潮，除了題材新鮮正面，故事大綱、情節特別之外，演員的精堪演技同樣令人拍案叫絕，除了主角馬德鐘與飾演何廣沛爸爸的男配角李成昌表現非常突出，其餘綠葉小角色一樣發揮出水準，讓不少觀眾大叫眼淚缺堤。不過最重要是大家有沒有發覺頭五集《跳躍生命線》有一大特點？就是幾乎每集結尾都會有段角色獨白，這些獨白講述的都是每個人總會經歷到的人生道理。有別於無線一貫模式，結尾獨白特別又有深意，觀眾深受感動：「最中（鍾）意每集最尾嘅留言」、「真係冇諗過TVB有咁嘅質素！」、「冇預到無記劇集咁有品味」。
TVB認真設計細節位 感人獨白有意思
為了提高劇集的專業性及觀眾投入程度，TVB在新劇的細節處理上很用心，包括實地取景、要求演員上急救班、邀請真實救護員指導、加入極多專業名詞，務求將真實情況還原八成。而且今次加入港劇罕見的最後獨白，由每集主線人物講一段肺腑之言，講出的人生道理成功引起大家共鳴。
例如首集李佳芯最終被醉駕司機撞死，雖然馬德鐘永遠都不知道她最後想問他的問題究竟是甚麼，但帶出其實有遺憾才是真實人生，李佳芯坦言：「記得做學生嗰陣，老師問嘅每一個問題都會有一個答案，但到人大咗我先知道，有時問問題，對方唔一定會比答案。我哋唯有自己去尋求，憑住蛛絲馬跡去猜度、去推斷、去大膽假設，最後原來答案就喺眼前。但係有啲事無論你幾聰明、幾努力，你都係冇辦法知道答案。」
第二集講述何廣沛因為李成昌好賭被連累燒傷，令李成昌很自責，每當看到傷口都會心痛，同時呼籲大家要珍惜生命，因為留下的人才是最難過，何廣沛稱：「啲人成日話時間會治療一切傷口，其實係錯。有啲傷口，即使時間過咗幾耐亦都冇辦法令佢復原。因為傷口並唔係喺自己度，而係喺在乎你嘅人身上。」
第三集由馬德鐘獨白總括全集人物出現皆因緣份：「每一日我哋都會遇到好多人，每個人嘅出現都有佢嘅意義，有啲會成為戀人知己，有啲會成為摯友良朋。佢哋嘅出現係為咗考驗你、扶助你，更多時係為咗帶出最好嘅你。每個相遇都足以影響一生，而喺相遇同相分之間，我哋齊齊上咗一課，學識咗被愛，懂得去愛。」
最後獨白串連全集 增加劇情完整性
另外，第五集的結尾獨白亦有串連全集想帶出的重點功用，令人頓時代入選擇原諒不原諒的角色之中，即使沒有經歷過都彷彿感受傷痛，馬德鐘坦言：「人接受命運，但命運嘅結局就以悲劇為多...香港人係善忘嘅，但每一次颱風總會有人提起溫黛即使已經過左半個世紀，依然冇辦法忘記，咁係因為嗰種摧毀實在太深刻。我哋唔係唔想忘記，而係無法忘記，唔係每一句對唔住都可以有句原諒嚟結尾。」
簡單幾句獨白令人再次憶起劇中的種種遺憾，如馬德鐘因為急忙掛線才聽不到李佳芯想說的遺言；撞死李佳芯但不顧而去的醉駕司機；一名學員為了幫何廣沛拾回肩帶而斷韌帶，被迫退出消防救護訓練；棚架招牌倒冧，死傷者家屬失去至摯愛等等；從而鋪排出「有啲事唔係你道歉就可以得到原諒」的意思，提醒世人不要做錯事，否則恨錯難返，道歉也沒有用。