馬德鐘離開TVB後勇闖內地賺人仔，拍咗唔少電視劇，可謂豬籠入水，不過馬神絕對無忘記香港粉絲，早前他回巢拍新劇《跳躍生命線》再做紀律部隊，更被捧為台慶劇，於下星期一晚8點半首播，不過套劇未出街，竟然已經惹起網民高度關注，事關近日馬神將自己穿上制服的威猛相放上社交網站，但大家焦點唔係佢嘅健碩body，而係點解佢個樣變咗2.0，雙眼凹陷、眼皮變深，塊臉膠到猶如Babie男朋友Ken，點睇都唔多自然，更有網民取笑馬神同林利、范振鋒撞樣，變咗串燒三兄弟。不過經過再三研究，我哋發現馬神上載嘅其他近照，個樣同以前無太大分別，相信可能係P圖P得過咗火位，又或者當日馬神影相嗰陣真係太攰，所以先出事咋！
新劇題材新鮮頗吸收 男神女神共冶一爐
《跳躍生命線》是TVB台慶劇，也是2018年香港國際影視展17部推介劇集之一，以救護員受訓、辛酸工作、生涯做主題，反映真實出動時在生死關頭救傷扶危、爭分奪秒的情況。救護員出車次數極高，但招聘人數卻比消防員少，早前有新聞講述他們早上七點半上班，連踩九個鐘先食到第一啖飯，食無定時，唯有用水灌飯以最快速度重返工作崗位，應付市民求助。TVB希望新劇可以讓觀眾更加了解這個職業的使命，不要忽略救護員感受，更不要濫用救護車，亦呼籲大家珍惜生命。今次套劇請來多位男神女神助陣，包括何廣沛、羅天宇、郭子豪、張彥博、劉佩玥、張曦雯、李佳芯與陳瀅等等，究竟能否再創收視神話，大家就要拭目以待。