正所謂怕老婆會發達，難怪出名「尊重」老婆應采兒的陳小春，近年在內地長撈長有，最近仲夫妻檔拍住上參與內地真人騷《妻子的浪漫旅行》，小春於節目中慷慨分享與老婆的相處點滴，更自揭當年同某位舊愛拍戲期間，私下send「你好」、「想你了」等曖昧短訊予對方，點知被應采兒發現，隨即大興問罪之師，質問小春：「為甚麼要這樣發短訊？為甚麼會留這樣的言？」簡單兩句已嚇到小春唔知點算。
各界估誰是舊愛？
雖然小春沒有交代之後情況，但就話經一事長一智，令佢明白自己咁做，會傷害同應采兒之間的感情，決定改過自身，以後唔敢再做令老婆傷心的事。節目出街後，即時成為網上熱話，當中最受矚目當然係舊愛是誰？有人更猜測可能係張栢芝，事關當年一直有指小春對栢芝一見傾心，更曾於泰國上演一幕火辣推油，令戀情愈傳愈烈，兩人甚至曾經傳出婚訊，無奈最終有傳栢芝因移情謝霆鋒，而堅決與小春一刀兩斷。