解開童年孤兒枷鎖

「雖然媽媽話佢年紀大唔記得晒，但我一諗起細個父母點對我，我個心口就好痛同喘氣……」

50多歲的阿梅，憶起當漁民的父母如何在童年時苦待她，內心的恐懼、失望和痛楚便湧上心頭︰「爸媽一直重男輕女，一家九兄弟姊妹，我排第五，對上四個哥哥無論做錯甚麼，無論我點講爸媽都會打我先。有次二哥搶咗我條手巾，我叫佢畀返我，阿媽就攞起支木棍打到我頭破血流，阿爸見到阿媽咁嬲就話，佢既然咁憎我不如將我拋落海……我同幾個阿哥一聽到就跪地求阿媽唔好咁做，但阿媽依然將我舉高拋向漁船甲板上……」阿梅的身體不由自主抖震，得不到父母關懷的孤單傷痛令她感到強烈的羞辱和無助。

近年暢銷著作《假性孤兒》的作者、臨床心理學家琳賽‧吉普森（Dr. Lindsay C. Gibson），指出當父母畏懼親密感，無法滿足孩子的情感需要，「情感孤寂」便會形成，即使長大成人這份孤單不安感仍會揮之不去。

「我見到主耶穌在漁船上保護我，佢將手背上釘痕嘅血搽喺我頭上嘅傷口，一陣間個傷口就好番，佢仲拖住我隻手，又拖住我爸媽對手……我感受到一股暖流湧埋嚟……」

阿梅在影像中表達出自己渴求被愛的感受，修補了上一代所帶來的情感缺陷，着宗教信仰力量帶來身心靈的醫治，數十年莫名的孤單感和無助感終減退。

（本欄逢周三刊登）