尖沙咀誠品翻新 圖書精品特價發售

行書店可能係唔少人閒時最鍾意做嘅活動之一，但唔講唔知，原來誠品進駐尖沙咀就滿3年，嚟緊9月仲會翻新改裝！黛安知道，佢哋即日起至9月9號將會喺3樓MINI FORUM率先設立期間限定嘅eslite MART，超過3,000本圖書、800款歐日文具鋼筆、大熱CD等等全部以低至1折嘅改裝優惠價發售，真係超值！

話明改裝優惠價，真係平到你唔信，好似填色冊熱潮始祖作家Joanna Basford嘅療癒填色冊作品《秘密花園》（Enchanted Forest）咁，只須15蚊就帶得走，多款歐日台雜誌，好似日本嘅《SAVVY》、《Hanako》、台灣的《秋刀魚》同《旅人誌》等，更低至單本10蚊就有交易；更有包括《星聲夢裡人》等CD同多款歐日文具都係5折！另外仲有唔少兒童圖書等低至半價。黛安一於搵埋姊妹去掃貨先！