馬會捐助長者計劃 及早識別認知障礙

由香港賽馬會慈善基金捐助、關護長者協會策劃嘅「賽馬會銀鈴關護長者健康計劃」日前舉行啟動禮。黛安聽講，計劃為期3年，主要透過喺葵涌（荔景邨）同埋港島東（勵德邨）嘅「銀鈴護士站」向基層長者提供預防性健康計劃，及早識別患有輕度認知障礙嘅長者。

行政會議成員及安老事務委員會主席林正財、香港賽馬會慈善事務部主管（長者及家庭）陳載英等都有出席啟動禮。關護長者協會主席蘇家駒話，若忽視輕度認知障礙，變成認知障礙症嘅機會比一般長者高5至10倍。