Ling姐送蘭花 賀《晴報》奪獎

《晴報》早前喺權威市務雜誌《Marketing》嘅Spark Awards 2018中勇獲11個獎項，仲喺眾多媒體中脫穎而出，首奪「年度最佳媒體品牌」（Media Brand of the Year），成績斐然！《晴報》姊妹同黛安講，天然美容養生專家、暢銷書作者李韡玲（Ling姐）噚日特登送咗一盆精緻蘭花祝賀《晴報》，《晴報》上下員工都與有榮焉！

黛安知道，Ling姐10年前創辦咗Ling Lee天然護膚養生產品系列，開創咗所有產品都要經由香港生產力促進局（HKPC）檢定品質對人體有益同無害才可生產及引入嘅先河。除咗美容事業外，Ling姐更係多本暢銷書作者，好似剛出版嘅《女性當自強-我的美麗功課》、《男性顯本色-我的養生秘方》等多本書都好受讀者歡迎，除咗事業出色，佢本身亦係賢妻良母，家庭工作都兼顧得好好㗎！