7-Eleven多款精品登場 造型可愛又實用

7-Eleven愈來愈多嘢賣，黛安知道佢哋最近引入咗一系列卡通精品，包括好受女仔歡迎嘅Hello Kitty公仔蛋，一套有12款，包括10款普通版同兩款特別版，一向形象百變嘅Hello Kitty，今次都唔例外，會以美人魚、恐龍裝、海盜同西部牛仔造型登場，款款都咁可愛！

除咗Hello Kitty，7-Eleven都引入咗多款迪士尼精品，包括兩款透明雨傘，一款係藍色系嘅阿愁，另一款就係充滿夏威夷風味嘅史迪仔款式，仲有三款唔同卡通人物膠布，包括米奇老鼠、魔雪奇緣同迪士尼公主系列，又靚又實用！

除咗卡通精品，又點少得世界杯，7-Eleven都特別推出兩款世界杯限定版產品，包括6枝250毫升可口可樂主辦國紀念版，同IMPACT國旗版薄荷糖，分別有8大足球強國做包裝，等黛安今晚都買件限定版產品去睇波先！