玩《晴報》遊戲贏coupon $10食7-Eleven飯糰

自從7-Eleven早幾個月推出「御之簡食」飯糰，黛安就成為佢嘅粉絲。一向對食都有要求嘅我，最鍾意佢嘅紫菜夠脆，加上佢啲米用咗秘製日式鰹魚高湯調味，特別香甜，仲有4款口味（照燒鰻魚、炭燒雞肉、麻油三文魚及吞拿魚沙律）咁多，成日食都唔悶。

最近飯糰仲推出「汁燒三文魚」新口味，黛安當然都有買嚟試啦！平日食三文魚最怕腥，但呢款飯糰就用咗日本海鹽調味，再以高溫烤焗，去咗陣魚腥味之餘，仲將燒汁香味滲入魚肉當中，味道真係唔錯！

平日呢款飯糰賣開十幾蚊一個，不過黛安就留意到，原來最近《晴報》同7-Eleven合作搞咗一個名為「尋找和風飯糰滋味」嘅facebook遊戲，玩完就可拎到coupon，以$10優惠價購買任何一款御之簡食飯糰。咁着數，黛安又點會錯過喎？

遊戲玩法好簡單，只要喺5秒限時之內，成功點擊三個「汁燒三文魚飯糰」，就可以攞到coupon啦！下次去7-Eleven出示coupon嘅電子條碼畀職員掃描，就可以用$10優惠價買飯糰。你都快嚟登入呢個網址（http://ssl-app.net/7-Eleven/），或者掃描旁邊嘅QR code玩遊戲、拎coupon啦！