麥當勞$27歎 「巴啦巴啦脆雞堡」餐

大好嘅星期日，居然遇上八號風球，幸好颱風來得快亦去得快，下午「落波」後，黛安隨即同屋企人去麥當勞歎下午茶，事關昨日係Minions Day，麥當勞為咗與眾同樂，特登以優惠價$3.1開賣香蕉批同蘋果批，咁抵食又點可以錯過？而且餐廳仲將指定漢堡包嘅款式，好似魚柳飽、漢堡包、芝士漢堡包等等，換上「傻蛋孖牛堡」嘅麵包，包上面印有可愛嘅迷你兵團圖案，食落寧舍賞心悅目。

錯過咗昨日嘅推廣？唔緊要，事關麥當勞嘅驚喜仲陸續有嚟！由今日開始，全新「脆」味十足嘅「巴啦巴啦脆雞堡」將會喺全港麥當勞登場！呢個漢堡包會以鬆軟嘅扭紋長麵包，配搭鮮嫩多汁脆香雞腿，加上秘製巴西風味醬、爽脆青瓜和羅馬生菜，營造豐富層次。聽見已經好想食！

套餐薯條 免費升級「脆薯嘜」

更重要嘅係，配埋可愛「脆薯嘜」嘅「巴啦巴啦脆雞堡」超值套餐，會以夏日全綫開心價$27發售！（但留意，優惠不包括海洋公園、沙田馬場、跑馬地馬場、山頂及機場分店）

黛安仲知道喺推廣期間，大家仲可以將超值套餐內嘅中薯條，免費升級做6粒裝「脆薯嘜」𠻹，相信絕對能夠滿足一班粉絲啦！