牙醫跑手 迪士尼Fun戰主題跑

近年唔少朋友都愛上做運動，其中跑步就係佢哋嘅至愛，好似本身係迪士尼迷嘅牙醫朋友劉頌恩（Timothy），佢原先同好多忙碌嘅香港人一樣，平時好少做運動，直到嘗試跑步後即刻「上癮」，一跑就跑咗11年啦。Timothy經常參加主題跑（Fun Run）賽事，佢嘅「戰績」包括六度遠赴美國參加「星球大戰」、「漫威世界」等跑步活動。Timothy話具玩味嘅賽事能令人心情輕鬆，而唔係只為爭取成績，可享受跑步嘅快感。

今年香港迪士尼再舉辦主題跑，並首次以Marvel為主題，當中印有不同超級英雄的獎牌、跑手衫、號碼布都令Timothy「心郁郁」。佢話曾經為集齊所有組別的獎牌，一連四日跑完5公里、10公里、半馬及全馬賽事，雖然辛苦但好值得；聽到Timothy講到咁興奮，黛安真係要報名跑埋一份先。