最年輕女攝影師 作品展現女性美

作為新時代女性，好多姊妹對於「美」呢個字都有唔同睇法。最近wtc more世貿中心除咗搞emoji活動，仲舉辦「Cheers」攝影作品展，展出14歲年輕專業攝影師葉晴嘅相片，推廣女性自主快樂！4歲時刷新健力士世界紀錄、獲頒發「全球最年輕專業攝影師」嘅葉晴話，佢心目中嘅美麗係從心出發，今次佢幫10位自主美麗嘅女性影相，包括世界桌球冠軍吳安儀、「再生勇士」鄧英蘭、無國界義工創辦人之一陳小錦，鏡頭下嘅人全都有其美麗嘅一面。今次活動仲進行咗文章募集，商場會為每位提交文章嘅參加者捐$100畀香港世界和平婦女聯合會。咁有意義，大家記住參加喇！