近50中醫旺角義診 老友記受惠

黛安星期日和一位auntie食晏，剛過下午一時，auntie就趕住埋單，話要去香港中醫骨傷學會同旺角街坊會合辦嘅保健講座和義診喎。auntie已經70歲，黛安作為晚輩，自然樂意相陪。去到會場，已有近300位「老友記」坐定定準備聽講座，原來講治療膝關節痛，難怪啲老友記都聽得聚精會神。

典禮過後，大會仲安排咗一班老友記根據中醫內科、針灸、骨科等專科，接受48位中醫師義診。聽中醫骨傷學會理事長楊卓明講，學會與旺角街坊會合辦呢項活動已有5年，希望走入社區，服務市民，提升中醫形象。事實上，中醫治療慢性病，尤其是痛症，都有其優越之處，黛安好期待中醫骨傷學會日後進一步把呢類社會服務推廣全港18區，等更多老友記受惠。