沈祖堯帶住 400位同學去行山

提起中大校長沈祖堯（祖堯BB），大家就會諗起佢減肥成功，話晒用咗11個月搣走30幾磅「肥膏」，真係唔簡單㗎！黛安前日見到佢同400位中大學生，一齊參加「着頹TEE‧遊鞍山」嘅行山活動，佢唔單止又fit咗，仲好醒神，望落去比以前後生咗，恨死隔籬喇！

祖堯BB話為促進一班學生身心健康，中大體育部同博群全人發展中心搞呢個行山活動，當日大家着住有中大特色嘅衣物，佢自己就着中大馬拉松隊Polo恤，去馬鞍山行郊野徑，遠眺中大全景。佢又同學生分享自己喺中大嘅故事，睇嚟無論校長同學生，行完山健康咗，又互相share故仔，一舉兩得呀！