左行右企

番工搭地鐵時，看到職員用大聲公呼籲乘客用扶手電梯要兩邊「企定定，唔好行」。不過乘客一於少理，落車後自動自覺企右邊，留下左邊讓人行。午飯時，向同事提起這個現象。

阿美反應很大：「我前日就係俾呢啲唔合作急住行嘅人撞到爭啲跌低！嗰個人欏著個大包包急急腳行電梯，企喺右邊啲人都被掃中！」

Shirley：「香港人就係咁心急，要佢哋企定定難過登天。」

Amy：「唔好話香港人，日本人都做唔到呀！」

「日本人好守規矩嘅喎，點會呀！」

Amy 話：東京市在2018年開始就嘗試推廣「扶手電梯不步行」，理由與香港的大致一樣：電梯步行不安全、對維修保養不好、兩邊企整體來說更快。可是推廣多年，在主要車站都沒有效果，因為這已經成為日本人的習慣。一邊行一邊企被認為是更方便趕車的人，企定定的人會被指責。

香港的情況與東京也有相似之處。左行右企在香港實行多年，1985年的時候，地鐵、九廣鐵路聯同香港電台推出行人禮貌運動，就已經開始推廣靠右企的概念，很多人細個都見過地鐵的扶手電梯有「靠右企、握扶手」的標誌。潛移默化之下，靠右企，左邊行，已成為香港人的習慣。要改變實行多年的習慣，難之又難。

（本欄逢星期一、四刊登）