善用基層醫療

工作繁忙，難免有時會周身骨痛，所以我現在定期都會去做物理治療紓緩一下。最近見到有個同事都請假去做物理治療，就八卦問下幾多錢。同事答︰「150蚊。」吓！做物理治療只係150蚊？難道是公立醫院？

「唔係呀，我去地區康健中心做。」

聽到康健中心，我以為是連鎖醫療集團。同事解釋，政府幾年前開始推「基層醫療」，然後招標讓一些非政府組織營運地區康健中心和地區康健站，預計最終會在18區都有地區康健中心。這些中心做的不是要取代醫院的工作，而是輔助地區的街坊去管理慢性疾病，提高疾病預防意識之類。同事表示至目前為止，地區康健中心用的人不算多，雖然中心的服務都不錯，可能認識這種地區服務的人不多。

葵青地區康健中心早前做了一個調查報告，顯示大部分受訪者對中心的慢性疾病檢查服務都覺得滿意。至於進行醫療檢查考慮的最重要因素是服務地點，證明夠「就腳」對街坊來說非常重要。

聽到有咁抵的服務，我都去睇下屋企附近有無地區康健中心可以做物理治療先！

（本欄逢周五刊登）