買衫都要環保

天氣回暖，於是打算把衣櫃的春天衫拿出來。我本身喜歡穿黑色衫，所以買回來件件衣服都是同一個顏色。試過被朋友取笑︰「做乜你日日都着住嗰件衫嘅！」

在黑衫堆中掃來掃去，心目中想搵嗰件衫搵極都搵唔到，卻發現有兩件薄褸差不多同一樣款，然後又有3件Tee和兩件毛衣連牌都未剪！完全唔記得有買到！

唉！咁離譜！頓時自責！

回到公司，個個同事春裝上陣，醒起早上搵衫搵到未剪牌未着過嘅新衫一事，遂向同事呻氣。同事話我不但浪費金錢，更加不環保。她用手機播放了幾段短片給我看，是中電製作的短片，內容講解如何做到「減碳生活」，影片本來是學生教材，不過大人看了一樣有意義。

這一個題材最近頗為熱門，朋友間也有人為了環保理由而選擇少吃肉類，因為畜牧業造成的碳排放特別多。同樣地，製造衣物當然也會造成碳排放。影片建議大家有多餘的衫可以拿去衣物回收，這的確是一個補救的方法。

看完影片，決定以後買衫前要先想想是否非買不可，衣櫃裏是否已經有同類的款式，不要買完又買，那就可以省錢又環保！

（本欄逢周一刊登）