蘇施黃65歲成功轉型做YouTuber 撒哈拉一篤尿悟出人生道理

下月便66歲的蘇施黃，2019年底離開工作多年的商台後，去年初轉戰網上轉型做YouTuber，用她最拿手的廚藝開設《教煮蘇 This is So good》頻道，經過一年的努力成績表終於出爐，訂閱人數超過10萬，日前阿蘇拍片分享獲得這個「10萬奬牌」的喜悅，並為自己設下新的目標：「如果要去下個獎牌，我希望可以喺70歲前可以做到，因為下一個階段係要100萬訂閱，難度超高，而嗰個牌係金色嘅。其實開頭3、4萬訂閱都係我啲粉絲，係比較容易，但去到目前增長速度已經緩慢咗，加上唔識講國語，訂閱我嘅多數都係香港人，比較難跳出框框，突破數字。」

{{hket:inline-image name="05.jpg"}}{{/hket:inline-image}}

對於轉型做YouTuber一年攞到「10萬訂閱」成績，阿蘇表示要行條新路並唔容易。（圖片 :網上截圖）

{{hket:inline-image name="02.jpg"}}{{/hket:inline-image}}

阿蘇的下廚美食片，背後有3位工人姐姐幫手，3位都是她的幕後功臣。（圖片 :網上截圖）

開名係圈中人│蘇施黃爆曾被有婦之夫撩上床 「佢話未試過同唔男唔女嘅人」【下一頁】

能夠拎到這個獎牌，阿蘇說是自己近十年來的開心紀錄，要數她人生中的開心事，會是她50歲時發生的這兩宗：「一件係洗禮，糾結好耐，我1990信教到2005年洗禮，中間係冇過去教堂，又未睇過聖經，但竟然可以洗到禮，嗰一刻感覺真係信咗教，心境好平靜、好安樂，好似死咗之後，知道自己會去邊，但信教後條路好難行，因為要應改去改，咁先可以上天堂。」而第二件事，她同年（2005年）去了撒哈拉沙漠，「呢個係我好少講嘅事，係一個生日之旅，而嗰次經驗，我係好唔想諗番轉頭，好辛苦，唔係人做嘅事...係好黐線、好嘔血，從來未試過講咁多粗口，係難頂，當日所拍嘅片同相，至今我都未有睇過，因為我唔想記番起嗰啲辛苦，辛苦到講唔出嘅感覺。」

阿蘇既然唔願意回望撒哈拉之旅經歷，點解又會係佢嘅開心事呢？阿蘇重提這段記憶更一度哽咽：「當你行一啲比較辛苦嘅路時，相比喺撒哈拉，簡單到你連屙一篤尿都唔識屙...因為屙唔出，要喺個沙漠到，你要除咗條褲就屙，但你前後左右都係有人睇住你除咗條褲屙尿，你好介意呀？咁你唔好屙尿囉！感覺係生存嘅基本條件，都令你好糾結，呢個係喺撒哈拉好辛苦嘅原因，令到我學到點樣面對困難，真係唔容易。」

（↓點擊圖片放大↓）

• {{hket:inline-image name="AAAA.jpeg"}}{{/hket:inline-image}}
• {{hket:inline-image name="21.jpg"}}{{/hket:inline-image}}
• {{hket:inline-image name="06.jpg"}}{{/hket:inline-image}}
• {{hket:inline-image name="09.jpg"}}{{/hket:inline-image}}
• {{hket:inline-image name="11.jpg"}}{{/hket:inline-image}}
• {{hket:inline-image name="12.jpg"}}{{/hket:inline-image}}
• {{hket:inline-image name="13.jpg"}}{{/hket:inline-image}}
• {{hket:inline-image name="15.jpg"}}{{/hket:inline-image}}
• {{hket:inline-image name="17.jpg"}}{{/hket:inline-image}}
• {{hket:inline-image name="18.jpg"}}{{/hket:inline-image}}
• {{hket:inline-image name="19.jpg"}}{{/hket:inline-image}}
• {{hket:inline-image name="20.jpg"}}{{/hket:inline-image}}
• {{hket:inline-image name="16.jpg"}}{{/hket:inline-image}}
• {{hket:inline-image name="14.jpg"}}{{/hket:inline-image}}

撒哈拉的一篤尿令阿蘇人生有所領悟，「因為人生入面內心嘅鬥爭比屙唔出一篤尿更困難，所以喺撒哈拉訓練到我，有乜嘢係難得過去撒哈拉，連屙篤尿都搞唔掂，如果你都捱過咗，咁面對其他事，只要你努力，或者肯放下自己嘅不是或執著，其實咩事都可以海闊天空。所以，我人生做得最好一件事就係去咗撒哈拉，令我夠膽毅然放下電台工作，去辛苦行一條新路。」

撰文：衛紫敏

愛回家︳Terry被賈名昇陰到著假貨出醜 大小姐惡鬥賈名媛為細佬報仇 【下一頁】