陳凱琳（Grace）前年2月14日為老公鄭嘉穎誕下大仔鄭承悅（Rafael）後，再於上月初宣布二仔Yannick出世，組織成幸福的四口之家，婚後Grace照顧家庭為主，除偶然出席活動和接廣告，已減少幕前演出。不過這位「靚媽」諗頭多多，近月跟網絡紅人「雪姨」搞美容產品生意，推出高質卸妝棉，又嘗試拍片進軍YouTube界。日前Grace應拍檔雪姨邀請一齊拍片大談生意經，當中Grace展現可愛的真性情，又大爆自己甫相都會「修圖」！
【結婚兩周年】陳凱琳鄭嘉穎二變四幸福一家 「很幸運你在我的身邊」 詳情即睇：【下一頁】
幸福的一家人！（圖片：陳凱琳IG）
Grace表示自己是第一次做生意，而雪姨相對比較有經驗，又大讚搭檔處事有條理、夠果斷，讓她很安心。兩人在合作上有明確的分工，Grace的負責管理品牌的Instagram專頁、揀相同打文字描述。Grace笑住表示：「我好了解雪姨要執啲咩部位，我就下巴太長，要修短啲。」雪姨聽畢即哈哈大笑：「我同緊香港小姐影相，呢件事係幾容易影到我醜樣先得㗎！」Grace謙虛回應：「我過氣㗎啦。」
（圖片：影片截圖）
Grace自爆會P下巴（圖片：影片截圖）
又搞笑表示自己「已過氣」（圖片：影片截圖）
而在影片的最後，Grace亦跟觀眾分享她人生階段的變化：「其實人始終冇辦法同時間擁有所有嘢，我覺得定先後次序好重要。譬如現時我真係啱啱生完小朋友，我想將多啲時間分配落佢哋身上，我覺得ok嘅，但時間耐咗，可能我會慢慢岀嚟做返多啲嘢。我覺得你清楚知道咩對自己最重要，就做咗嗰樣嘢先，咁就可以啦！」
鄭嘉穎陳凱琳首次夫妻檔拍廣告 搞笑演《夫妻的世界》經典場面 詳情即睇：【下一頁】
（圖片：影片截圖）
網友都大讚Grace性格貼地又有氣質，而且樣靚兼說話溫柔：「估唔到Grace會自己講自己下巴太長，無偶像包袱」、「Grace好得體！」、「陳凱琳係最近10年港姐最靚，而且真係有港姐質素」。
生完小朋友都好Fit！（圖片：陳凱琳IG）
（圖片：陳凱琳IG）
撰文：羅慧怡
責任編輯：楊安莉