劇集《迷網》播放一星期以來，劇情發展節奏一般，反而不少騙案的客串角色都有亮眼的演出。繼黃建東演精神病患者之後，在特工情騙案之中，周麗欣飾演被情騙財的蔡淑娥，就算因洗黑錢而被捕，仍然堅信在網上認識的美國特工男友是真心愛她的。由於蔡淑娥不肯去警署報到，一心想飛伊拉克救特工情人Matt，一度回家偷金鍊，後來被楊明和陳曉華趕到截停，她用𠝹刀指向自己的頸要脅警方放她走，可惜最終仍然被制服。
相關新聞：《愛回家》朱凌凌撇甩情癡李莫仇轉投港姐？ 哥哥朱天梯情場浪子老貓燒鬚
返屋企執行李準備飛伊拉克(圖片：《迷網》電視截圖)
被姐姐一巴摑醒，可惜仍然執迷不悟。(圖片：《迷網》電視截圖)
想離開香港？咪住，香港勝在有楊明！(圖片：《迷網》電視截圖)
街頭一輪混戰。(圖片：《迷網》電視截圖)
佢堅持特工Matt係愛佢呀！(圖片：《迷網》電視截圖)
有咩事慢慢講，放低把𠝹刀先！(圖片：《迷網》電視截圖)
雖然周麗欣只有3日戲，不過劇情的戲份發揮不錯，廣受網友讚賞，甚至有網友認為她的樣子跟老前輩雪梨有點相似，跟以往她在《愛回家之開心速遞》中飾演接龍藥房的鄉音售貨員截然不同。周麗欣接受《晴報》電話訪問，她表示：「好多謝網友留意到我角色，我本身係長頭髮，為角色剪成男仔頭，因為出場時想觀眾有個錯摸以為我係男仔，所以我冇著Bra又男仔頭咁。導演搵我時話有難度，我諗都唔諗即刻接，好快就剪短晒啲頭髮。」她笑言自己在感情上不是情癡，起初都難以投入，幸得導演指導她，拍攝過程好開心，她說：「以往多數都係斯文角色，後來要我演碌落樓梯，好彩有武術指導教我，而被楊明追我嗰場戲我重感冒，我失聲嗌到開返聲，真係好感恩。」
周麗欣笑言跟《愛回家》的角色非常不同，自己在劇中的鄉音都是靠學習長輩的發音，後來同劇演員大家都愈聽愈順，帶來不少歡樂。
相關新聞：【愛回家】女Sales奚落大小姐靠鄉音出位 周麗欣捱足13年曾被派去做咩感侮辱？
佢因為洗黑錢被捕，仲想幫特工男友隱瞞身份。(圖片：《迷網》電視截圖)
網絡情緣騙案真係日日新鮮。(圖片：《迷網》電視截圖)
入行13年的周麗欣過往大多數飾演客串的角色，今次在劇中發揮得宜，獲網友肯定，她表示非常開心，不過對於有網友以為劇中的「蔡淑娥」是另一女藝人張詩欣，她說：「第一次聽到話我哋似，可能因為我哋兩個對眼都唔係圓圓大大嗰種，我哋性格都似，比較男仔頭，我一直視佢為妹妹，反而我聽講訓練班出咗位男版周麗欣，個個都以為佢係我細佬。」
周麗欣本身一頭長髮。(圖片：周麗欣IG )
戴住眼鏡真係有啲似「李莫仇」。(圖片：周麗欣IG )
呢個先係李莫仇呀！(圖片：張詩欣IG )
責任編輯：楊安莉