【揀榴槤】街坊超市買榴槤外表無異狀  拆殼始知果肉腐爛「生眼」超驚嚇【附揀榴槤貼士】

夏天正值「果王」榴槤當造，飄香陣陣令榴槤迷垂涎三尺。不過近日有街坊在超級市場購買一個榴槤卻誤「中伏」，回家拆殼後始發現果肉已經腐爛並且長出白點，猶如一對對眼睛，狀甚駭人。有果欄檔主接受《晴報》訪問時曾表示，未拆開外殼的榴槤的確難以憑肉眼分辨好壞，但市民可憑3個要點揀選靚榴槤防「中伏」。

該名街坊在Facebook群組「巴打絲打 Facebook Club」發帖，稱在超市以每磅$19.9買入一個4.9磅的榴槤，惟回家拆殼後才知道內裡已經腐爛。從她分享的照片可見，該榴槤的果肉發黑，且長出多個白點，明顯已經腐爛。她稱自己揀榴槤多年，不曾失手，惟是次經歷讓她感到意外，並且從未遇過如此腐爛嚴重的榴槤，

「外表無異樣，內裡好嚇人。」

帖文引起網民熱議，指看罷照片即時「毛管戙」，形容果肉「好似好多對眼咁睥住人」，非常驚嚇；更有笑稱該榴槤狀似「生癌」、「中幅射」。亦有網民表示自己亦有「中伏」經歷，回家拆殼後始內榴槤生蟲或果殼內層穿窿，無法進食。有人建議事主拿回超市退貨，下次購買時可先請職員即場開榴槤以策安全。

果欄檔主教3招揀成熟靚榴槤

進濤菓欄負責人GiGi早前接受《晴報》訪問時表示，平日買整個榴槤時，的確難以憑肉眼分辨到內裡果肉的好壞，因而有機會「中伏」。若要揀靚榴槤，可先從了解「樹上熟」及「摘下待熟」兩種榴槤入手：

「樹上熟」：從樹上天然掉下，已經成熟，保鮮期較短；例如貓山王、黑刺。

「摘下待熟」：未完熟就收割，存放期較長；例如金枕頭。

GiGi表示兩種榴槤的選擇原則略有不同，但普遍可按以下3大重點選擇：

1. 有少許爆口

最好選擇尾部有少少爆口的榴槤，通常都已成熟，夠香甜；惟爆口太多則有機會已吸引昆蟲進內，不宜選擇；如未有爆口多為未熟，味道會不夠香甜欠水準。

2. 顏色偏青/偏黃

以「樹上熟」的貓山王為例，它天生顏色及成熟後的外殼顏色都是偏青，所以選偏青色較佳；而「摘下待熟」的金枕頭宜選外殼偏黃及啡色，代表已經成熟，若顏色偏青則較生，未適合打開食用。

3. 刺變軟身

成熟榴槤的刺會較軟身，如用拇指及食指可把兩根刺拉在一起，代表榴槤已經成熟。

她提醒成熟的榴槤需要盡快食用，否則於香港的潮濕天氣下容易變質，果肉變爛。她建議若想買一整個榴槤並確保它已成熟，穩妥起見可選擇樹上熟、底部有星形的貓山王，則不怕它又生又不夠香甜。

每朝索取《晴報》：精明生活．健康家庭．開心娛樂

撰文︰黎穎芯