陳凱琳（Grace）上月20日在社交平台公布懷孕的好消息，跟老公鄭嘉穎成功三年抱兩，認真可喜可賀。Grace今日獲邀出席海洋公園活動，懷孕多月的她腹大便便，但仍勇字當頭穿上三吋高的高跟鞋上台，不過雖然孕肚很大，但她四肢仍然非常纖幼，走動仍然非常輕鬆自如。
相關新聞：【就快蘇得?】陳凱琳得天獨厚肥肚唔肥人 牛一曬唯美孕照：心情好緊張
(圖片：《晴報》林良明攝影)
(圖片：《晴報》林良明攝影)
Grace表示懷孕期已經過了一半有多，但就不肯透露懷孕周期，她說：「過咗一半有多，唔講幾多個月，好穩定、好健康。相比起第一胎，呢胎佗得好啲，胃口幾好，好感恩。」問到胎兒是男是女？Grace說：「下星期會舉行Baby Shower，到時同班朋友一齊慶祝兼公布，已經訂好蛋糕，到時一切睇顏色就知。」
大仔Rafael只有一歲多，對於快將迎接弟妹，似乎仍然未太清楚是怎樣一回事，Grace表示：「佢未太知道，有時用手指掂一掂我個肚，之後就走咗去，感覺幾得意，可能出世之後佢就會知。見到Rafa一日一日咁成長，真係好神奇，突然又識行，又識得遞嘢畀我。」她為免大仔Rafael呷醋，跟其他家長一樣，為Rafael準備禮物，當作是弟妹送的，Grace說：「佢好好學，鍾意睇書，成日拎本故事書坐上我大脾，要我講故事佢聽，希望可以保存佢呢份好奇嘅心態。」
相關新聞：【老婆陳凱琳留家安胎】鄭嘉穎湊Rafael日子有功變暖男 氹到戲中小男童黐到實勁老友
(圖片：《晴報》林良明攝影)
(圖片：《晴報》林良明攝影)
(圖片：鄭嘉穎IG）
Grace腳踩3吋高高跟鞋，她笑言已經不算高，老公鄭嘉穎知道她會臨工作前才換高跟鞋，所以非常放心。對於她成功肥胎不肥人，Grace說：「嘉穎同家人都有煲嘢畀我補身，我又鍾意飲中湯，所以唔抗拒。依家算輕盈少少，但其實都重咗十幾磅，可能都喺晒個胎度。（順產定開刀剖腹？）未決定，上次係開刀，我順其自然，睇醫生點講，但因為我(個人)比較細粒，睇睇情況，交畀醫生。
今胎孕照。(圖片：陳凱琳IG）
上胎孕照。（圖片：陳凱琳 IG)
老公鄭嘉穎有傳快將重返TVB開拍《兒童醫院》，Grace說：「係呀，佢返去同好朋友馬國明一齊開劇，係好開心嘅事，不過唔係代我還劇債。我仲好有戲癮、好想拍劇，但暫時將家庭放第一位，同TVB合約仍然有。」
(圖片：鄭嘉穎IG )
採訪：倪小珊
責任編輯：楊安莉