馬貫東在劇集《那些我愛過的人》中，飾演患有亞氏保加症的內科醫生古希晨，由於不善溝通，總令人誤解成戇直和木納，私下的阿東是怕醜仔一名，只要不是講對白演戲，他跟古希晨一樣沉默寡言，或多或少跟他的成長有關。
（圖片：《晴報》楊嘉傑攝影）
今年33歲的馬貫東入行13年，由跑套龍、路人甲到慢慢做到小配角，可謂一步一腳印。今次第一次挑戰男二角色，他直言大為緊張和興奮，他說：「角色好沉默寡言，唔識表達自己情感，面部表情好淡，但淡得嚟又要觀眾感受到，呢個係最大挑戰。監製希望透過我的演繹，令大家知道亞氏保加症跟正常人沒有分別，而不是大家既定感覺是傻、怪的人。」他獲安排跟亞氏保加症的患者見面，加上自己睇有關的書籍和紀錄片，希望可以好好演活這個角色。結果，他成功了，劇集播出以來，網友幾乎一致認同他的演技大有進步，更推他成為年底頒獎禮「飛躍進步男演員」。
相關新聞：【那些我愛過的人】馬貫東為林文龍檢查下體放笑彈 戇直外表被指似倫永亮 觀眾受落相當搶鏡
(圖片：TVB《那些我愛過的人》劇照)
(圖片：TVB《那些我愛過的人》劇照)
接拍《那》劇時，正是馬貫東獲安排暫別《愛回家之開心速遞》的時候，當時他飾演的「秦博思」大受歡迎，特別是跟Mandy（謝芷倫飾）的感情線，可惜一別至今已經1年多時間。他直言無論是《八時入席》的十仔，還是《開心速遞》的博思，同樣是他心目中的代表作，而今次《那》劇絕對給予觀眾完全不一樣的感覺。
（圖片：馬貫東IG)
在訪問過程中，筆者笑阿東的回答總是很簡短，絕對稱得上是「句點王」，他笑笑口稱：「我本身唔係好識講嘢，劇組演員都笑我本身有呢個病，我唔係好識表達自己同溝通，（入行13年都一樣？）講對白完全冇問題，私下就好少嘢講，其實《愛回家》之後已經比以往大膽和自信，仍然在努力進步中。」他直言13年前因著愛演戲的心加入幕前工作，工作中才發現自己性格出現問題，身邊的人總鼓勵他要多發言、多聊天，不過適應還需要一點時間。
（圖片：《晴報》楊嘉傑攝影）
阿東自小父母離異，他跟兩個姐姐都是媽媽一手一腳湊大，沉默寡言的個性是否跟成長背景有關？他細心思考良久，也不太確認，但他直言讀書年代經常被欺凌。阿東說：「我細個成日被人蝦，成日都自己匿埋，譬如讀書時同學會畫花我件衫，掉走我的擦子膠，可能我細個時個樣又肥又矮，係人都會蝦呢款男仔，感覺係望到死肥仔，唔蝦都唔得。其實小學、中學都有發生，慢慢都習慣咗，所以匿埋唔出聲，盡量佢哋講嘢我唔參與，廢事下一個目標輪到我。」
不善溝通的阿東偏偏愛上演戲，由班上小人物都變成電視機前的藝員，相信連阿東小時候都從沒有想過，他笑言：「可能大家都覺得好神奇，被人蝦又冇特別唔開心，因為我冇乜反擊能力，我又唔鍾意同人爭嘢同辯駁。（影響深遠？）好聽係隨和，唔好聽係怕事。」他直言感激媽媽同兩位姐姐個性勇猛由細到大保護他，如今他長大了，是時候報答家人。阿東說：「入行頭十年幾乎都係屋企人接濟，我好多謝兩個家姐撐住頭家支持我追夢，依家我事業叫做開始穩定，好希望自己可以幫佢哋建立一個溫室、一個安樂窩，去保護返佢哋。」
相關新聞：【那些我愛過的人】馬貫東擔正演亞氏保加症醫生 網友指情節抄足韓劇《Good Doctor》
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
（圖片：馬貫東IG)
入行13年換來一個被看見的角色，阿東認為時候剛剛好，他說：「太早我唔夠經驗去處理，太遲又怕冇咗團火，我團火都曾經細過，入行大約5、6年時，因為人工唔高捱得辛苦，加上媽媽唔舒服，有諗過不如真係搵份工，做返攝影師啦！後來捱過咗，我都訂目標畀自己，29歲前仲可以追夢，30歲後就應該負返責任，好彩，30歲嗰年就畀咗機會我入《愛回家》，等我仲可以繼續追夢。」苦盡甘來的阿東現時接拍正劇，幾乎是劇接劇，問到會否想挑戰男一？他說：「我冇乜特別追求，有戲演就好開心，返《愛回家》又好開心，下一套接正劇一樣開心，入行到依家都冇話一定要做到咩位, 或者一定要做男主角，每次有機會嚟到，我做到最好，監製唔失望，又覺得用我係值得嘅，我就好開心，因為唔想辜負人哋期望。」
（圖片：馬貫東IG)
（圖片：馬貫東IG)
（圖片：馬貫東IG)
（圖片：《晴報》楊嘉傑攝影）
責任編輯：楊安莉
攝影：楊嘉傑