劇集《那些我愛過的人》中，方書文（連詩雅飾）因患有急性肝病，需要安排換肝手術續命，最終雖然千萬不願意，但仍然接受家姐方樂汶（黃翠如飾）的捐贈，兩人因為這次捐肝，兩姊妹冰釋前嫌，雖然有些心結仍然未肯解開，但關係總算比之前進步得多。樂汶擔心手術的風險，事前叮囑繼子朱家炳（顧定軒飾）好好照顧妹妹，又特別帶女兒朱幸而（黃芷晴飾）去遊樂場玩個夠本。
相關新聞：【那些我愛過的人】馬貫東為林文龍檢查下體放笑彈 戇直外表被指似倫永亮 觀眾受落相當搶鏡
(圖片：《那些我愛過的人》電視截圖)
(圖片：《那些我愛過的人》電視截圖)
(圖片：《那些我愛過的人》電視截圖)
(圖片：《那些我愛過的人》電視截圖)
(圖片：《那些我愛過的人》電視截圖)
(圖片：《那些我愛過的人》電視截圖)
小小童星黃芷晴演繹得非常投入不造作，而且動靜和表情都非常豐富，但她跟黃翠如演兩母女深情對話時，一樣天真瀾漫討人歡喜，沒半點「老積」的感覺，大受觀眾歡迎。原來芷晴入行已經3年時間，之前獲挑選成為無綫的「Big Big 小明星」，是《Think Big天地》的固定小朋友班底，跟單文柔、何遠東、麥凱程等合作不少，而相信大家最深印象的就是芷晴扮演香港小姐冠軍的短片，為Big Big Shop宣傳。
(圖片：黃芷晴Facebook )
(圖片：黃芷晴Facebook )
(圖片：黃芷晴Facebook )
不過《那些我愛過的人》是她第一部接拍的劇集，見她昨日一集扮醫生睇症，為「媽咪」翠如睇症，非常可愛率真。其實幾集之前提到方樂汶的奶奶（馮素波飾）去世，芷晴被翠如抱實喊住話掛住嫲嫲時，都令不少觀眾感性落淚，演技自然流露，認真叻女。芷晴的媽媽接受晴報訪問，她說：「芷晴個性格好外向，鍾意表現自己，所以被選咗去拍《Think Big》，都係因為咁，所以一知道有得拍劇佢好開心。部劇其實好多喊戲，但我同佢講拍喊戲嘅時候可以諗啲傷心嘅事，咁就會容易好多。最後，我就假設佢養嘅倉鼠死咗，問佢會唔會傷心，佢就喊到啦。」對於芷晴稱呼馬貫東為「男朋友仔」，她解釋：「因為劇情關係，馬貫東哥哥就變成咗 佢劇裡面嘅男朋友。劇內所有一齊拍攝嘅演員、工作人員都好錫芷晴，所以芷晴見到大家都會同大家玩得好開心。」
相關新聞：【天價Yes!卡】黃翠如發現老公閃卡猶豫買唔買 蕭正楠懷舊造型似足《火影忍者》
(圖片：《那些我愛過的人》電視截圖)
(圖片：黃芷晴Facebook )
黃芷晴的家長為她開設社交平台，分享不少她的工作和生活照，亦有她個人的Fans Club，見她的相簿中跟不少藝人合照過，其中跟單文柔特別老友，連單文柔結婚和女兒百日宴都有獲邀出席。而芷晴今次拍劇跟黃翠如、林文龍、連詩雅、馬貫東、顧定軒等都成為好朋友，芷晴的IG更竟然稱呼馬貫東為「男朋友仔」。
(圖片：黃芷晴IG 截圖)
(圖片：黃芷晴Facebook )
(圖片：黃芷晴Facebook )
(圖片：馬貫東IG )
馬貫東接受《晴報》電話訪問，他表示：「佢叫我男朋友仔係劇情關係，劇入面佢會做我女朋友仔，佢係方書文最大情敵，幫我氹方書文，搵機會畀我上佢屋企，佢係一個好幫手。現實中芷晴係好鬼馬、調皮同活潑嘅女仔，我兩個家姐都各有小朋友，所以訓練有數，BB都識抱。不過我好鍾意小朋友，所以會好縱容，尤其女仔，我會縱到好似小公主咁，我對小朋友完全冇抵抗力，不過芷晴真係天才，一個非常有天份嘅演員。」
(圖片：馬貫東IG）
(圖片：馬貫東IG）
責任編輯：楊安莉