黃翠如同老公蕭正楠結婚2年，一直甜蜜恩愛，又不時喺社交平台耍花槍，非常搞笑。昨日（14日）翠如到深水埗玩具店尋寶，竟然發現老公阿蕭嘅陳年Yes!卡。相信唔少80後、90後對Yes!卡都唔陌生，絕對係當年追星必抽嘅產品，充滿青春回憶。
（圖片：蕭正楠IG）
翠如興奮拎起兩張卡合照，低頭望着手上老公嘅卡，嘴角含春甜笑，好「抵死」話老公係「懷舊歌手」。但佢冇即時畀錢買返屋企珍藏，事關翠如發現價錢有啲貴，所以心大心細，於是IG出post問大家意見：「在深水埗一間懷舊玩具店，發現了一個懷舊歌手的懷舊Yes!卡，每張價值五蚊，買唔買好？」
相關新聞：【那些我愛過的人】黃翠如首演悲情單親媽媽 蕭正楠挺身為老婆擋負評「放閃」
{{hket:inline-image name="103663019_1498746070334410_879642675031675125_n.jpg"}}{{/hket:inline-image}}
翠如唔知買唔買好~（圖片：黃翠如IG）
{{hket:inline-image name="103529439_148652996765405_3697288379295664529_n.jpg"}}{{/hket:inline-image}}
蕭正楠YES!卡 $5一張（圖片：黃翠如IG）
一眾藝人都有留言畀意見，好似係連詩雅、袁偉豪等，其中陳自瑤話：「呢個小鮮肉都ok既，不過5蚊有d貴」翠如即搞笑回覆說：「懷舊小鮮肉。」而李施嬅同吳若希都留言稱有啲貴，吳若希盞鬼表示：「唔係金卡銀卡～ $5有d貴～ 2蚊啦！」
（圖片：黃翠如IG）
陳自瑤同吳若希都話$5有啲貴（圖片：吳若希IG）
阿蕭嘅陳年出土造型，髮型夠晒懷舊，另外有網友發現佢衣著同著名日本動漫《火影忍者》男主角漩渦鳴人相當相似！講講吓連阿蕭本人都覺得幾似，忍唔住喺IG上傳一張拼圖，話要做火影：「以前一蚊可以買碗雲吞麵唔通我又講你知咩 #我要做火影」翠如就留言同老公打情罵俏：「不如100蚊一張，我賣番比你吖」兩公婆真係好sweet呀~
個look同鳴人真係好似！（圖片：蕭正楠IG）
（網上圖片）
（網上圖片）
阿蕭今日出席劇集《一笑渡凡間》（暫名）拜神儀式時，講到老婆翠如諗緊買唔買陳年Yes!卡時，佢表示：「係啊，佢好慳家㗎，可能諗緊買棵蔥都好過買呢張卡。」阿蕭表示自己雖然冇儲存Yes!卡習慣，但粉絲儲落唔少送畀佢，所以屋企都有個角落擺放收藏。
（《晴報》圖片）
被問到張Yes!卡由$1上升$5，滿唔滿意呢個升幅時，佢就表示：「當年得24、25歲，都成10幾年前，升咗五倍梗係開心死啦，如果有人擁有一千萬張，而家咪有五千萬囉。」而身旁一同岀席活動嘅湯洛雯就話：「我細個有買何嘉莉同張栢芝，男歌手就冇乜買。」
（《晴報》圖片）
撰文：羅慧怡
責任編輯：楊安莉