【52歲再做老竇】陳小春喜獲麟兒Jasper心情複雜 細仔HoHo唔似爸爸:我安心晒

現年52歲嘅陳小春同老婆應采兒（丁丁）日前分別喺社交網貼出家庭照，宣布已成為四口之家。再做老竇嘅陳小春尋日現身養和醫院探望妻兒，戴上口罩接受記者訪問。

{{hket:inline-image name="64c16b12-b42a-4767-86b2-06b8871d48ee.jpg"}}{{/hket:inline-image}}

（東星娛樂）

陳小春雖然戴上口罩，但亦見到佢喜上眉梢。陳小春指細仔5月29日、農曆四月初七生：「太太開刀生，順產辛苦嘛，開刀時間好把握些。」佢話今次自己有入產房陪丁丁，仲影咗好多片做紀念，第一胎時就唔敢，不過要佢剪臍帶佢就依然怕怕：「唔敢呀，交番畀專業人士，生仔包埋㗎，包剪！」

{{hket:inline-image name="2222.JPG"}}{{/hket:inline-image}}

（陳小春微博）

陳小春透露已為細仔取花名「Hoho」，同廣東話「好好」同音，佢又指細仔較似丁丁，仲話丁丁聽到囝囝似佢都好開心。小春就話今次再做爸爸感覺更好：：「因為今次有個印象，加上細仔個樣似老婆多啲，我安心晒，戥番勻多啲！」一直恨生女嘅陳小春坦言未有打算再追，直言「兩個夠晒數」：「辛苦，唔啦！夠皮，一家四口，成雙成對。」

{{hket:inline-image name="4ab6c391ly1gf9la6bzsxj24mo334qv5.jpg"}}{{/hket:inline-image}}

（陳小春微博）

而榮升哥哥嘅大仔陳胤捷（Jasper）已經同弟弟見面。陳小春仲大爆Jasper有啲抑鬱，可能係呷細佬醋：「佢有問我咩係jealous（妒忌），我都唔識解釋，我話係No big deal，佢好似明白。」小春笑指Jasper平日口水多多，但依家就「收晒聲」，幸好他已成功開解囝囝：「我應承同佢踩單車、睇波，佢即刻開心番，係有少少jealous。」陳小春講完就急急腳拎埋外賣步入醫院。

撰文:黃蘊姿