日前，陳冠希的太太秦舒培在Instagram分享靚靚生活照，在陽光的斜照之下的舒培一臉笑容，甚有少女感覺，不過不少網友紛紛截圖，直指她似足商台DJ少爺占，連少爺占都表示已經收到十幾個不同的人私訊指他們「撞樣」，少爺占留言說：「今日貼堂作品，連環收到十個PM（私訊）, 多謝大家。」網友紛紛留言大讚神似，於是少爺占索性搞個公開「尋親」活動。
相關新聞：同老婆情定幼稚園 相愛30年 深情少爺占寵妻3大招數
少爺占再次開Post說：「第一屆『地球上最似少爺X』選舉正式接受大家投稿。由於似我嘅人實在太多，可能會重複，所以將以第一個send俾我嘅人為準。截止日期視乎有幾多人參加，優勝者將會得到本人自畫像連簽名乙個A4畫一幅。」他附帶一個法國女網紅的照片，幾乎長得跟少爺占一模一樣，少爺占留言說：「此為投稿參賽者一號。評語: 連我自己都以為係我，我就是我， 十萬個當中只得一個。」
相關新聞：《Do姐有問題》Do姐節目嫌棄農夫艾粒醜樣 興奮拎韓星公仔 大爆會做呢樣嘢
隨後幾日，少爺占分別展出五名參賽作品，全部都是由網友投稿，張張都有神似的地方，而部分更是明星添！大家都一齊睇睇，到底邊個最似？
1號參賽者：法國女網紅
普遍留言的圈中好友和網友都話「勁似」，睇返女網紅的照片，原來她已是人母，由於臉頰凹陷，加上五官較大，跟少爺占真的有8成似，不過她有其他靚靚相表現出另一種美態。
2號參賽者：外籍模特兒
照片來自倫敦品牌的照片，相中女模特兒面長長，雙眼和鼻子最似少爺占。少爺占自評說：「點解全部都係女人？定係男扮女人？好亂。」
3號參賽者：黃慶堯
參加《亞洲星光大道2》而入行的黃慶堯，後來到演藝學院進修戲劇學位，畢業後投身舞台劇界。少爺占評語是：「終於有個男人似我。」
4號參賽者：書中人
有別於其他參賽者作品，今次拍到的是一本書，而拍攝的地點是巴黎。該畫作面形和神態都甚似，不過感覺是穿越到一個舊年代一樣。少爺占評語：「呢個都係似TB豪子嘅其實，當然都似我，只可以話我個樣好親民，好有觀眾緣。」
5號參賽者：何潤東
雖然感覺何潤東同少爺占是完全兩回事的類型，不過何潤東的這張《璀璨人生》劇照海報中，回眸的瞬間的確有點似少爺占。少爺占笑言：「終於搵到一個係似我，但係唔似豪子嘅。冇錯，佢就係岡本教主！」
6號參賽者：日本街頭受訪者
投稿人是截取日本電視的畫面，該疑似受訪者無論面形、五官同下巴都好似少爺占，難怪少爺占說：「如果俾我去日本住一排，就係呢個樣啦......大家好，我係堂本乾。」
責任編輯：楊安莉