【飛虎之雷霆極戰】55歲吳啟華唔做醫生轉做警察 訪問呻因皮膚問題屢失好角色

《飛虎之雷霆極戰》播了兩集，網民反應不俗。新劇講述一股牽涉國際恐怖份子和外國特工的勢力突襲香港，警方束手無策，飛虎隊隊長駱sir（苗僑偉飾演）向警務處處長潘sir（吳啟華飾演）出謀獻策，挑選警隊精英組成特別行動組「A Team」。吳啟華接受TVB娛樂新聞台訪問，大談拍劇點滴以及從影以來最可惜之事。

{{hket:inline-image name="115.png"}}{{/hket:inline-image}}

(TVB電視截圖)

師奶殺手吳啟華今次不做醫生，改行做警察，他說：「我係警察裡面最大嗰個，做三哥上司，但私下同佢係好朋友，要周旋喺我上級同下屬之間，充當緩衝區。」他認為位高權重等於能力大，各方面都好多經歷，自己能勝任到：「我個年齡社會經歷多啲，容易啲演呢啲角色，有說服力啲。」而且他亦不欲參與動作場口：「唔係咁想出去咁熱咁打，畀番後生，我舒服啲好。」由於拍攝劇集行程緊湊，吳啟華要挑戰大量長對白：「同一間房冇理由分幾日拍，場場都係我。」

{{hket:inline-image name="11.png"}}{{/hket:inline-image}}

(TVB電視截圖)

{{hket:inline-image name="17.png"}}{{/hket:inline-image}}

(TVB電視截圖)

對其他演員，吳啟華讚口不絕，他先讚阿姐汪明荃很親切，毫無架子：「未識佢之前覺得阿姐始終係阿姐，唔敢...但佢會主動傾偈。佢亦都好清楚自己做緊咩，好開心同咁專業嘅人做嘢。」雖然以新成員身分加入《飛虎》，不過拍攝零隔膜，還與馬國明常常一齊睇車。至於同苗僑偉就相識多年，不過從影以來卻是首次合作：「我未入行已經睇佢做戲，《飛越十八層》記得好清楚，好鍾意佢個角色。我覺得TVB五虎將裡面佢最有型，好鍾意佢。」

{{hket:inline-image name="13.png"}}{{/hket:inline-image}}

(TVB facebook page影片截圖)

{{hket:inline-image name="18.png"}}{{/hket:inline-image}}

(TVB facebook page影片截圖)

{{hket:inline-image name="113.png"}}{{/hket:inline-image}}

(TVB facebook page影片截圖)

▼1982年劇集《飛越十八層》

{{hket:inline-image name="19.png"}}{{/hket:inline-image}}

(TVB電視截圖)

80年代入行，出道37年，吳啟華大多飾演專業沉穩角色，最具代表性就有《妙手仁心》的程至美醫生，不過他向主持表示更愛演古裝，卻因身體問題多次錯失演出機會：「鍾意睇武俠小說、歷史小說，好多金庸先生嘅作品都好希望有得演，但有個好嚴重嘅問題，近排有個金庸先生筆下嘅角色我都要推。因為我皮膚敏感，唔可以黐頭套，一黐會發炎、爛，冇辦法，做唔到。（會唔會可以等佢好番少少，再接？）長期嘅問題，總之一黐膠水就會開始腫，好可惜。可能有啲角色可以同美術指導講，可以配合到，例如《倚天屠龍記》做張無忌係唔使黐膠水，咁就可以拍。」

吳啟華補充，任何金庸角色他都恨演，因為個個都好有特色，連洪七公都想演：「每個角色寫得好絕、好抵死，做演員一定要睇金庸小說，會學到好多嘢，金庸喺創造角色係全世界最勁。」

{{hket:inline-image name="14.png"}}{{/hket:inline-image}}

(TVB娛樂新聞台電視截圖)

▼演張無忌不需黏頭套，吳啟華坦言好開心

{{hket:inline-image name="15.png"}}{{/hket:inline-image}}

(TVB電視截圖)

撰文：張芷晴
責任編輯：楊安莉