2005年胡杏兒同黃宗澤（Bosco）因為合作拍《我的野蠻奶奶》而撻着，拍拖多年卻冇直接認愛。不過佢哋呢一對當年一直都係圈中嘅「公開秘密」，二人曾被喻為「金童玉女」，但2012年最終敵不過「7年之癢」分手收場。
（東星娛樂）
呢日「奶奶」汪明荃（阿姐）就喺邵氏特別節目《飛虎同學會》入面重提此事。阿姐坦言最錫黃宗澤（Bosco），因為同Bosco以及胡杏兒拍了兩輯《野蠻奶奶》，阿姐仲大爆原本《奶奶》系列仲會有續集！
（《飛虎同學會》截圖）
（《飛虎同學會》截圖）
阿姐話一心諗住可以再同佢兩個拍檔。（《飛虎同學會》截圖）
（東星娛樂）
阿姐重提疫情初期Bosco派口罩套，打蛇隨棍上向佢「詐型」：「以為你派請帖呀！快啲啦！嗰陣梁家樹話開一套黑色殭屍喜劇，都係你啦！搞垮咗個配搭（阿姐、Bosco以及杏兒）！我仲以為可以做殭屍奶奶呀！」被阿姐「責難」，Bosco都口啞啞，嚇到一額汗。
Bosco除咗笑都唔知畀咩反應「阿媽」。Bosco除咗笑都唔知畀咩反應「阿媽」。（《飛虎同學會》截圖）
（東星娛樂）
（東星娛樂）
相關新聞：【唔敢再玩真心話】黃宗澤對胡杏兒發表「最後祝福」 發問女生被團友鬧爆乞人憎
雖然「阿仔」同「新抱」分開咗，但各自同阿姐都維持良好關係。日前阿姐去做義工執垃圾，「新抱仔」杏兒自告奮勇要加入！（汪明荃IG）
面對阿姐，「飛虎」一班馬騮個個都變得聽聽話話，嘉樂恥笑平日一定搶韁嘅吳卓羲，都變得乖巧。
（《飛虎同學會》截圖）
阿姐又問吳卓羲有冇女友，佢就話自己等待緊緣分嘅降臨，嘉樂即插嘴笑佢虛偽，但即刻畀阿姐「窒」：「喂！你老婆（湯盈盈）都等咗你好耐啦！」嘉樂即將個波拋畀吳卓羲：「但唔似卓羲咁舔舔脷！佢食完嘢抹嘴呀！」吳卓羲即反擊：「你食完嘢唔抹嘴㗎？」二人舌劍唇槍之際，阿姐即替吳卓羲解圍：「要有緣分係啱嘅，撞得啱就係一個Right Timing，我同羅家英都21年先結婚！」卓羲卻說：「佢長期交往！長期試嘢！」阿姐即叫佢解釋一下係咩意思，吳卓羲又即刻支吾以對。
（東星娛樂）
讚山聰成熟可靠
而於劇中演社團角色嘅陳山聰就畀阿姐大讚成熟、可靠，山聰說：「因為一件事曾經有段時間好迷失，最後靠自己走出困局，一步一步到依家，太太一直扶持我。」山聰引述太太Apple嘅說話：「你以前嘅嘢唔關我事，你嘅過去完全同我無關係。」令佢相當感動。
（陳山聰IG）
撰文：黃蘊姿