最近TVB正在重播《仁心解碼II》，睇返呢套7年前播岀嘅劇集，唔少藝人已經冇再活躍於幕前，好似係前華姐朱璇，劇中飾演嘅「Katie」同李天翔係一對戀人，後來為利益畀張國強收賣，最後背叛方中信，仲同男朋友分埋手。朱璇於該劇發揮得幾好，可惜觀眾現時喺TVB見唔到佢嘅演岀，事關佢於15年已經離巢，真係好可惜！
係《仁心解碼II》飾演護士（圖片：影片截圖）
（圖片：影片截圖）
不過就算朱璇離開TVB，佢都冇放棄過演戲，近幾年一直忙於返大陸拍劇、拍電影，先後演出過《爸爸是條龍》同《新六指琴魔》等劇集，又同前TVB藝員羅天池合演網絡電影《極限拯救》，當中飾演女兒慘被人拐走嘅媽咪，都幾考演技。
朱璇近年返大陸拍過唔少劇（網上圖片）
朱璇2008年當選國際中華小姐冠軍，其後留港發展演藝事業，為TVB拍過多套劇集，但可惜角色一直未有大發揮。其實朱璇算都好戲，佢16歲時被父母送到法國巴黎讀書，喺Cours Florent演藝學校修讀戲劇表演，同國際巨星伊娃格蓮（Eva Green）和柯德莉塔圖（Audrey Tautou）系出同門。而朱璇當選華姐之後就畀導演楊凡睇中，揀佢同張孝全合作拍電影《淚王子》，其後佢又憑角色入圍2010年香港電影金像獎同亞洲電影大獎最佳新演員。
當年國際中華小姐冠軍朱璇、亞軍張嘉兒及季軍徐萌（左至右）（圖片：東星娛樂）
但現時要見到朱璇拍劇相信就難啲，事關佢2018年已秘嫁內地富二代做人妻，並於比利時舉行豪華婚禮，而舊年年尾佢喺微博報喜佗B即將做人母，相信朱璇之後都似家庭為重，做幸福媽咪減少拍劇。
婚紗相影得好靚呀！（圖片：朱璇微博）
（圖片：朱璇微博）
舊年12月報喜已懷孕（圖片：朱璇微博）
睇返朱璇微博，現時都係生活係美國為主，又不時周圍去旅行，又真係生活得幾梳乎！
好嘆呀！（圖片：朱璇微博）
（圖片：朱璇微博）
（圖片：朱璇微博）
撰文：羅慧怡
責任編輯：楊安莉