鄧穎芝日前大爆曾經喺學MMA時被抽水非禮，指自己當時好驚，唔識處理。該次事件後鄧穎芝並冇報警，因為佢當時係身在泰國習訓，不過第二日佢都冇再返去同一個地方學MMA。
其實好多女性喺面對突如其來被「抽水」嘅事件時，往往都唔識得反應，圈中有唔少女藝人都曾經中招被「鹹豬咀」。
官恩娜
2006年10月官恩娜出席電台舉行嘅中秋晚會，期間主持人林盛斌邀請現場觀眾上台與官恩娜玩遊戲，一名佩戴太陽眼鏡及鴨舌帽嘅男子被邀上台，又指「今晚想同現場一個女仔示愛」，主持人繼續追問有關詳情時，男子變得吞吞吐吐，認為他行為有異，就請該男子先行返回台下。
（東星娛樂）
男子離開舞台時繞過官恩娜身旁並以手箍頸，強吻官恩娜嘴唇近10秒，林盛斌亦隨即上前拉開，同時有2名保安員衝到台上制服該男子。官恩娜事後梨花帶雨，指被男子強吻時「驚到嚟唔切反應、個腦呆咗、驚到震晒」。官恩娜最後決定報警，警方隨即拘捕24歲男子羅衍發。裁判官斥責羅衍發「唐突、猥褻、粗鄙、具冒犯性以及令人作嘔」，羅衍發最終於同年11月17日被判入獄兩個月。
（網上圖片）
陳嘉桓
陳嘉桓（Rose）喺內地橫店拍攝王晶電影《笑功震武林》期間與洪天明、馬德鐘、陳浩民一眾台前幕後宵夜，陳浩民對陳嘉桓強吻及施龍爪手。
（東星娛樂）
事後陳嘉桓素顏開記招兼報警，陳浩民初時自稱「好客」，後來陳浩民在大肚妻蔣麗莎陪同下開記招，陳浩民聲淚俱下道歉。
（東星娛樂）
王秀琳
04年亞視劇集開拍劇集《我和殭屍有個約會3永恆國度》，有份參演嘅尹天照、陳寶轅、王秀琳等演員在8月飯聚，而王秀琳9月開記招指當日飯局後坐尹天照車返屋企，被尹天照拖手、強吻兼伸手入衫，報警求助。
王秀琳開記招。（東星娛樂）
尹天照堅稱無辜，並且不介意同佢對質，最終亦無畀警方起訴，事件不了了之。
尹天照（東星娛樂）
楊思琦
{{hket:inline-image name="5e5a6d1956940475a7bc57c96ea06a51.jpg"}}{{/hket:inline-image}}
（東星娛樂）
06年楊思琦擔任模特兒行騷，穿上低胸透視裝並露黑 bra，品牌的國際副總裁Steve Holt在台上對思琦虎視眈眈，Steve Holt客串行騷期間突然從後抱着楊思琦並強吻，思琦唔識反應，只係尷尬苦笑。
撰文：黃蘊姿