陳穎妍因拍廣告而入行，加入嘉音唱片成為女歌手，但後來因為唱片公司全面撤出香港，因而未有推出專輯。
（網上圖片）
其後，陳穎妍加入無綫，最初擔任無線電視深夜節目《翡翠音樂幹線》主持，後來由主持轉為演員，並參與演出多部電視劇集，首部參演的電視劇為《情牽百子櫃》，其後作品有《情事緝私檔案》、《黑夜彩虹》等，多數都係演一啲第三者嘅角色。
（陳穎妍微博）
除咗電視劇之外，佢亦曾拍多套《陰陽路》系列電影。身材姣好嘅佢唔吝惜騷Quali，經常以性感形象示人。
（陳穎妍微博）
陳穎妍入行以來緋聞唔多，2006年倪震被踢爆背周慧敏以SMS加玫瑰攻勢瘋狂追求陳穎妍，陳穎妍亦承認確有此事。
倪震（東星娛樂）
如今陳穎妍已經極少出席公開活動，值得一提嘅係，現年43歲嘅佢狀態更勝從前,素顏之下皮膚都一樣咁水噹噹，而身形亦都完成冇走樣。陳穎妍曾經分享佢嘅秘訣：「想要皮膚好,做運動真的非常有效....曾經有段時間皮膚敏感頗嚴重,以前從未試過,(我本身不是皮膚過敏型）,好多次起床後望鏡可以成塊面又紅又痕,用甚麼護膚品都唔得。」
仲靚過佢廿歲嗰陣~（陳穎妍微博）
陳穎妍指自己以前最困擾頂多係壓力大、唔夠休息同月經期間下巴生暗瘡! 不過佢皮膚敏感之後開始跑步,除咗情緒好咗,皮膚狀態亦改善唔少,依家更加已經冇皮膚過敏,佢話呢個係佢堅持跑步嘅其中一個原因。
（陳穎妍IG）
陳穎妍曾經憧憬結婚生仔，指佢都想有自己嘅家庭，放更多時間喺屋企，不過現時似乎佢呢個「目標」就仍未達到，同3隻愛犬為伴，見佢嘅社交網站都係一啲享受生活嘅相，過得優哉游哉。
（陳穎妍IG）
撰文:黃蘊姿