「代拍」係現時大陸粉絲圈中衍生嘅一種職業，所謂代拍即係喺明星出現各種場合下影低高清圖片再以高價販賣。代拍一直都因為阻礙片場拍攝同拍攝者唔理自身安全而備受爭議，楊冪近日更加成為呢個風氣下嘅受害者。
（東星娛樂）
早前楊冪為新戲《斛珠夫人》到片場預備開工時遭到惡意拍攝，流出嘅相片中見到楊冪身穿藍色上衣，下身穿超短褲，以一件外套圍在腰間匆匆走向片場，途經一段上樓梯位置時，旁邊有唔少人拍攝，更加有人惡意低炒。事後低炒角度嘅偷拍相流出，幸好楊冪唔係着裙，否則一定會走光。唔少粉絲都譴責有關拍攝者，指一定要報警處理。
（微博圖片）
《斛珠夫人》官方微博針對日益猖獗嘅片場私生代拍、偷拍行為發表聲明，表示劇組為防止代拍現象採取嘅保護措施都被代拍者屢次破壞，甚至以惡意視角進行偷拍，嚴重干擾了演員與劇組的正常拍攝。在文中誠懇呼籲大家理智追星，拒絕路透（路透即指粉絲或路人遇到影視節目錄影或明星，隨手拍圖拍視頻以「劇透」的意思），一切以安全為重。隨後嘉行傳媒（即楊冪工作室）轉發聲明之餘亦表示：「望大家注重自身與他人安全，拒絕代拍偷拍、買賣路透信息等行為。」
（微博圖片）
唔少粉絲都對藝人嘅私生活充滿好奇，因此衍生出唔少惡意偷拍，令佢哋飽受私隱全失嘅困擾。
鍾欣潼（阿嬌）
06年8月 藝鍾欣潼（阿嬌）於馬來西亞雲頂登台，喺後台換衫時被偷拍，相片刊於雜誌封面，阿嬌獲悉後激動落淚。事件引起全城公憤，影視處收過百宗投訴，演藝人協會亦發起聲討大會，最終該雜誌被裁定違反《淫褻及不雅物品管制條例》罪成，罰款3萬元。
（東星娛樂）
（東星娛樂）
李嘉欣與許晉亨
08年6月偷拍李嘉欣與許晉亨喺澳洲旅遊時被偷拍，許晉亨當時喺酒店淨係着住內褲；李嘉欣事後稱，許晉亨對事件感到尷尬，又指如果係發生喺自己身上一定會喊。
（東星娛樂）
王浩信及陳自瑤
11年6月王浩信同陳自瑤於家中親熱被偷拍，同樣王浩信當時僅穿內褲，陳自瑤怒斥偷拍者可恥，猶如強姦人後影人裸照再公諸於世。
（東星娛樂）
黃宗澤及胡杏兒
11年6月雜誌偷拍黃宗澤及胡杏兒嘅家居生活，黃宗澤更加係全身赤裸，黃宗澤其後聯同王浩信及陳自瑤到私隱專員公署投訴。
（東星娛樂）
（東星娛樂）