拍拖三年，感情穩定嘅袁偉豪(Benjamin)同張寶兒（Bowie），日前被爆聯名以6千5百多萬元買入西貢清水灣豪宅新盤傲瀧一個連花園複式單位，該單位實用面積達2,205平方呎。其後，二人再以400萬買入兩個車位，加加埋埋使咗約7千萬元！一齊購入愛巢，唔少人都猜測佢哋「好事近」，張寶兒雖然婉轉話只係一齊做投資，但阿Ben昨日接受《東張西望》電話訪問時，承認有結婚打算，而且正在計畫當中！
相關新聞：【未講得住】袁偉豪與女友擲七千萬築愛巢 張寶兒精打細算「甩名」慳印花稅
{{hket:inline-image name="2a96996157b0cea661146b0b74245246.jpg"}}{{/hket:inline-image}}
（圖片：東星娛樂）
袁偉豪同張寶兒購入嘅豪宅傲瀧，環境清幽，如果係靠近香港科技大學嘅單位，更可以望到靚靚海景，因此深受圈中藝人歡迎，王浩信、胡定欣同周柏豪都曾經係住客。《東張西望》節目組就特地到另一個同袁偉豪購入相約呎數嘅單位參觀，等大家先睹為快！
（圖片：TVB影片截圖）
阿Ben直認有計畫結婚（圖片：TVB影片截圖）
該單位同袁偉豪新居相似，一入門就係超高樓底、闊落大廳，以及開放式廚房，而露台景觀都夠晒開掦，望到園林景觀同泳池，真係令人心曠神怡。
開放式廚房（圖片：TVB影片截圖）
客廳超闊落！（圖片：TVB影片截圖）
（圖片：TVB影片截圖）
二樓同三樓合共有4個套房，每個房間都好大，加上有落地大玻璃，採光度100分！二樓仲有個小偏廳，可以用作畀小朋友玩樂嘅小天地，有咁大間屋，相信將來生隊足球隊都一定冇問題呀！
二樓有個小偏廳（圖片：TVB影片截圖）
房間又係採光度十足（圖片：TVB影片截圖）
景觀開揚（圖片：TVB影片截圖）
而日前係袁偉豪39歲嘅生日，升呢做業主又係壽星，人逢喜事精神爽，張寶兒特地送上驚喜生日派對，邀請咗袁媽媽、單立文夫婦、陳山聰夫婦同胡定欣到場，氹得袁偉豪勁感動，開心咀爆張寶兒，又發文表示：「一個意想不到的 一切留在家中的 一個有心的安排。」至於張寶兒都有曬派對照，並留言：「這一年發覺原來家人朋友相聚也不是必然，希望這些小小珍貴的人和事，能湊成讓你生日快樂的點滴。」二人真係甜到漏呀！
袁偉豪個樣開心到（圖片：張寶兒IG）
（圖片：張寶兒IG）
開心咀爆張寶兒（圖片：張寶兒IG）
撰文：羅慧怡
責任編輯：陳小芝