【真．居住問題？】與男友拍拖2年想同居 欲氹雙方家長借錢買樓 女大生：出年畢業預計可搵$18000

本港樓價高企令人望「樓」興嘆，不少市民需與家人在細小單位內蝸居。一名大學女生日前在網上發文，表示想與拍拖兩年的男友同居，因此欲向雙方家長借錢買樓「上車」，但無奈男友家人以憂慮兩人會分手為由反對，遂求問「可以點樣說服佢屋企人？我真係好想同佢住！」

該名女生上周六（9日）在網上討論區「連登」，以「想同男朋友買樓」為題發帖，表示與男友拍拖兩年，想買樓與對方同居，「自己儲咗20萬，但出年先畢業，預計畢業可以搵到$18,000。」而該20萬元積蓄，是靠她開網店及幫人補習，「加埋廿幾年利是錢，都有8、9萬」而得來。

為了達成「上車」的願望，她因而開口向雙方家長借錢置業，但遭男友家人反對，

「男朋友嗰邊佢可以借屋企，連埋佢自己儲蓄，可以借到100萬，佢搵得$30,000，但係佢屋企人驚我哋分手所以唔放心我地買樓。可以點樣說服佢屋企人，我真係好想同佢住！」

她又預料，明年畢業投身社會後，與男友月入將達至少4萬元。對於網民質疑她為何不找自己家人幫手，她表示：

「我都氹緊我呀媽，我都係諗住大西北500萬左右，計過晒每個月每人都係供7000，只要捱到頭兩三年，遲吓加咗人工就輕鬆啲。」

至於欲與男友買樓的原因，她表示：

「我同佢屋企都本身30幾年嘅老私樓，住就有地方住嘅，我有呀哥佢有呀妹，次次去親佢屋企都喺佢間房過夜，做咩都要就住就住，好唔慣先想搬出去。」

此事引來網民熱議，有網民直言「放過個男仔啦，人地先搵得3萬，配唔起你㗎」、女生回應道：「係我中文唔好，我無嫌棄佢（男友）。」

網民質疑太天真：壓力測試會過到？

惟不少人認為樓主太天真及貪心，「拍拖兩年未畢業同人講將來？有冇咁天真呀」、「你男友佔大份喎，佢屋企人擔心你分手唔奇啦！」、「『搵得30,000』，我係阿媽聽到都唔放心畀你同佢買啦」、「張契邊個名啊」、「搵18k學人買樓，壓力測試會過到？」、「你男朋友搵30k，首期得100萬，除非加擔保人，否則應該只可以買到400萬左右嘅樓」、「又一個痴心妄想嘅港女」、「工都未有諗買樓，不如好似報紙咁叫屋企人買埋供埋算啦」。

亦有網民勸她畢業後有工做才考慮置業，而且現階段亦有分手的可能，「真係有機會分手，未結婚財政獨立啲好，到分手煩到你喊」、「不如租個單位住下，一齊多一兩年，等屋企人放心啲囉，不過一租屋，就變相儲少咗錢……所以畀我寧願呢兩年拍下拖儲下錢算，唔好諗同居住，至少等你畢業先。」

責任編輯：李凱晴